World Boxing halyqaralyq boks federasıasy 2025 jylǵy «Jyldyń úzdik boksshysy» nomınasıasyna úmitkerlerdiń tizimin jarıalady, dep habarlaıdy Dalanews.kz
Atalǵan tizimge Qazaqstan sportshylary da endi.
Erler arasyndaǵy úzdikter qatarynda Qazaqstan ulttyq quramasynyń ókili Mahmud Sabyrhan bar. Aıta keteıik, Mahmud Sabyrhan bıyl álem chempıony atanyp, sondaı-aq Álem kýbogynyń kezeńinde jeńiske jetken sportshy.
Sol álem chempıonatynda top jarǵan Natalá Bogdanova da áıelder arasyndaǵy úzdik boksshylar tiziminen kórindi.
Jyldyń naǵyz úzdigin anyqtaý maqsatynda 26 jeltoqsanǵa deıin onlaın daýys berý uıymdastyrylady. Daýys berý Instagram áleýmettik jelisi arqyly júzege asady. Qoldaý bildirý úshin unaǵan boksshynyń jazbasyna laık basý jetkilikti.
