Qyzylorda oblysynda aýyl sharýashylyǵynyń jalpy ónim kólemi jyl saiyn artyp keledi. Osy jyly bul kórsetkishti 234 mlrd. 800 mln. teńgege jetti. Qazirgi tańda 6 mlrd. 400 mln. teńge bolatyn 9 joba iske qosyldy. Bul týraly elordadaǵy Ortalyq kommýnikatsiialar qyzmetinde ótken brifingte aimaq basshysy Nurlybek Nálibaev málimdedi, dep habarlaidy Dalanews.kz.
«Aýyl sharýashylyǵynyń mashina-traktor parki jańartylyp, 2022-2024 jyldary 21 mlrd. 800 mln. teńgege 647 tehnika alynsa, Osy jyly 4 mlrd. 700 mln. teńgege mashina-traktor parki 139 aýyl sharýashylyǵy tehnikalarymen tolyqtyryldy. Der kezinde qabyldanǵan sheshimderdiń negizinde egis alqaptary tolyq sýmen qamtamasyz etilip, egindi shyǵynsyz alyp qalýǵa barynsha jaǵdailar jasaldy. Prezident tapsyrmasymen aimaqqa Premer-ministr bastaǵan Úkimet delegatsiiasy arnaiy kelip, sharýalardyń jaǵdaiymen, egistiń jai-kúiimen tanysty. Tótenshe jaǵdailar ministrligi elimizdiń barlyq óńirinen 139 qyzmetkerden quralǵan jeke quramdy jetkizip, eki ai boiy sharýalardyń igiligi úshin aýqymdy jumys atqardy. Úkimet rezervinen 53 nasos qondyrǵysyn alýǵa qajetti qarjy bólindi. Der kezinde qabyldanǵan sheshimder egindi shyǵynsyz jinap alýǵa jol ashty. Óńirde biyl 189 600 gektarǵa egin egildi, 80 900 gektarǵa sebilgen kúrishtiń ár gektarynan 58,1 tsentnerden ónim alynyp, 470 myń tonnaǵa jýyq astyq jinaldy», – dedi N.Nálibaev.
Aimaqta sý resýrstaryn neǵurlym tiimdi paidalaný, sý shyǵynyn azaitý maqsatynda egistikke jańa tehnologiialar engizilýde. Biyl diqandar kúrish alqaptarynyń 60 myń gektaryn lazermen tegistep, sýdy únemdep, ónimdilikti arttyrdy. Sý únemdeý tehnologiialary 8 100 gektarǵa paidalanylyp, ótken jylmen salystyrǵanda 2 ese ulǵaidy. Shieli, Qazaly, Aral aýdandarynda sheteldik kompaniialardyń qatysýymen sý únemdeý tehnologiialaryn qoldanyp júgeri, jońyshqa egýge baǵyttalǵan 3 iri joba qolǵa alynǵan.
Egin sharýashylyǵyn ártaraptandyryp, sý únemdeý tehnologiiasyn engizgen sharýashylyqtardy memlekettik qoldaýǵa aldaǵy 3 jylǵa 34 mlrd. teńgeden astam qarjy bólindi. Memleket basshysy sýdy kóp qajet etetin daqyldar egisin ońtailandyrýdy, onyń ornyna ylǵalǵa tózimdi, ónimdiligi joǵary, suranysqa ie júgeri, maily daqyldar kólemin arttyrýdy tapsyrdy.
Bul baǵytta júgerini tereń óndeitin Qyzylorda krahmal-sirne zaýyty jobasy 2025-2029 jyldar aralyǵynda eki kezeńde iske asyrylady. Birinshi kezeńde keptirý kesheni, ekinshi kezeńde júgerini tereń óńdeitin zaýyt salynady. Zaýytqa 35 gektar jer telimi tabystalyp, 10 myń gektarǵa dán júgeri egýge sharýalarmen kelisim jasaldy.
Odan bólek, shveitsariialyq «Harvest Grýp» kompaniiasymen birlesip, 21 myń gektarǵa tehnikalyq qarasora, júgeri jáne soia ósiriledi, agroindýstriialyq klaster qurý josparlanýda.
Bul jobalar aimaqtyń egin sharýashylyǵyn ártaraptandyryp, salany jańa deńgeige kóterýge oń yqpalyn tigizedi.
