Aqtaýda qaýipsizdik talaptaryna sai kelmeitin dizel otyny tárkilendi. Bul týraly Saýda jáne integratsiia ministrliginiń baspasóz qyzmeti málimdedi, dep habarlaidy Dalanews.kz.
Inspektorlar baqylaý satyp alýlar barysynda DT-L-K4 markaly dizel otynynyńsatylyp jatqanyn anyqtaǵan. Tekserý nátijesinde ónimniń Keden odaǵynyń tehnikalyq reglamenti talaptaryna sáikes kelmeitini belgili boldy.
Ministrliktiń málimetinshe, tekserilgen otyndaǵy kúkirttiń massalyq úlesi 115 mg/kg bolǵan. Al belgilengen norma 50 mg/kg-nan aspaýy tiis.
Anyqtalǵan zańbuzýshylyqqa bailanysty ýákiletti organ sotqa talap aryz túsirip, ol tolyq kólemde qanaǵattandyryldy. Nátijesinde ónim iesi tárkilengen dizel otynyna bilik etý quqyǵynan aiyryldy. Sondai-aq ol otyndy óz qarajaty esebinen joiýǵa, kádege jaratýǵa, qaita óńdeýge nemese el aýmaǵynan tysqary jerge shyǵarýǵa mindetteldi.
