Ingýshetiia Mádeniet ministrligi rejisser Amýr Amerhanovtyń 1944 jylǵy keńestik deportatsiiadan keiin ingýsh halqynyń Otanyna oralýyna arnalǵan «Hat» filmin respýblika aýmaǵynda kórsetýge tyiym saldy, dep habarlaidy Dalanews.kz.
Joba Resei Mádeniet ministrligi tarapynan maquldanyp, federaldyq grant alǵan bolatyn.
Filmde keńestik biliktiń deportatsiia kezindegi róli synalǵandyqtan, jumys barysynda ony qaralaý áreketteri bolǵan. Respýblikada kórsetilmese de, film Reseidiń kei óńirleri men shetelde kórsetilgen, sonyń ishinde halyqaralyq kinofestivalderge iriktelgen.
Film naqty oqiǵalarǵa negizdelgen: ingýsh kommýnisteri Leonid Brejnevke hat jetkizedi, sapar barysynda olardy jas onkohirýrg erip júredi. Kartinada basty keiipkerdiń balalyq shaǵy men Qazaqstanǵa jer aýdarylǵan kezeńi kórsetiledi.
Eske salsaq, 1944 jyly 500 myń sheshen-ingýsh Qazaqstan men Qyrǵyzstanǵa kúshtep jer aýdarylǵan.
