Qytaidyń memlekettik BAQ-tary Eýropalyq odaq qytailyq avtokólikter importyna jańa shekteýler engizse, Beijiń jaýap sharalaryn qabyldap, Dúniejúzilik saýda uiymyna júginýi múmkin ekenin málimdedi, dep habarlaidy dalanews.kz.
Qytai Eýropalyq odaqtyń saýda shekteýlerin Dúniejúzilik saýda uiymynyń (DSU) erejelerine qaishy dep sanasa, saýda ótemaqysyn talap etýi múmkin. Bul týraly Bloomberg materialynda aitylǵan.
Buǵan deiin EO men Qytai qytailyq gibrid kólikterdiń eýropalyq naryqqa jetkizilýin qysqartý jóninde kelisimge kelgen. 2026 jylǵy jeltoqsannan bastap import kólemin jylyna 350 myń kólikpen shekteý josparlanyp otyr. Bul biyl kútilgen 800 myń kólik kóleminen eki eseden astam az.
2025 jyly Eýropalyq odaqqa Qytaidan 302 myń gibrid kólik jetkizilgen. Jańa shekteý tórt jyl boiy qoldanylady dep josparlanyp, ekinshi jyldan bastap kvotany jyl saiyn 6%-ǵa arttyrý kózdelgen.
Beijiń men Briýssel arasyndaǵy kelissózder saýda teńgerimsizdigin azaitýǵa baǵyttalǵan. Sonymen qatar taraptar saýda men investitsiiaǵa qatysty ózge máselelerdi de talqylap jatyr.
