قىتايدىڭ مەملەكەتتٸك باق-تارى ەۋروپالىق وداق قىتايلىق اۆتوكٶلٸكتەر يمپورتىنا جاڭا شەكتەۋلەر ەنگٸزسە, بەيجٸڭ جاۋاپ شارالارىن قابىلداپ, دٷنيەجٷزٸلٸك ساۋدا ۇيىمىنا جٷگٸنۋٸ مٷمكٸن ەكەنٸن مەلٸمدەدٸ, دەپ حابارلايدى dalanews.kz.
قىتاي ەۋروپالىق وداقتىڭ ساۋدا شەكتەۋلەرٸن دٷنيەجٷزٸلٸك ساۋدا ۇيىمىنىڭ (دسۇ) ەرەجەلەرٸنە قايشى دەپ ساناسا, ساۋدا ٶتەماقىسىن تالاپ ەتۋٸ مٷمكٸن. بۇل تۋرالى Bloomberg ماتەريالىندا ايتىلعان.
بۇعان دەيٸن ەو مەن قىتاي قىتايلىق گيبريد كٶلٸكتەردٸڭ ەۋروپالىق نارىققا جەتكٸزٸلۋٸن قىسقارتۋ جٶنٸندە كەلٸسٸمگە كەلگەن. 2026 جىلعى جەلتوقساننان باستاپ يمپورت كٶلەمٸن جىلىنا 350 مىڭ كٶلٸكپەن شەكتەۋ جوسپارلانىپ وتىر. بۇل بيىل كٷتٸلگەن 800 مىڭ كٶلٸك كٶلەمٸنەن ەكٸ ەسەدەن استام از.
2025 جىلى ەۋروپالىق وداققا قىتايدان 302 مىڭ گيبريد كٶلٸك جەتكٸزٸلگەن. جاڭا شەكتەۋ تٶرت جىل بويى قولدانىلادى دەپ جوسپارلانىپ, ەكٸنشٸ جىلدان باستاپ كۆوتانى جىل سايىن 6%-عا ارتتىرۋ كٶزدەلگەن.
بەيجٸڭ مەن بريۋسسەل اراسىنداعى كەلٸسسٶزدەر ساۋدا تەڭگەرٸمسٸزدٸگٸن ازايتۋعا باعىتتالعان. سونىمەن قاتار تاراپتار ساۋدا مەن ينۆەستيتسيياعا قاتىستى ٶزگە مەسەلەلەردٸ دە تالقىلاپ جاتىر.
