ينگۋشەتييا مەدەنيەت مينيسترلٸگٸ رەجيسسەر امۋر امەرحانوۆتىڭ 1944 جىلعى كەڭەستٸك دەپورتاتسييادان كەيٸن ينگۋش حالقىنىڭ وتانىنا ورالۋىنا ارنالعان «حات» فيلمٸن رەسپۋبليكا اۋماعىندا كٶرسەتۋگە تىيىم سالدى, دەپ حابارلايدى Dalanews.kz.
جوبا رەسەي مەدەنيەت مينيسترلٸگٸ تاراپىنان ماقۇلدانىپ, فەدەرالدىق گرانت العان بولاتىن.
فيلمدە كەڭەستٸك بيلٸكتٸڭ دەپورتاتسييا كەزٸندەگٸ رٶلٸ سىنالعاندىقتان, جۇمىس بارىسىندا ونى قارالاۋ ەرەكەتتەرٸ بولعان. رەسپۋبليكادا كٶرسەتٸلمەسە دە, فيلم رەسەيدٸڭ كەي ٶڭٸرلەرٸ مەن شەتەلدە كٶرسەتٸلگەن, سونىڭ ٸشٸندە حالىقارالىق كينوفەستيۆالدەرگە ٸرٸكتەلگەن.
فيلم ناقتى وقيعالارعا نەگٸزدەلگەن: ينگۋش كوممۋنيستەرٸ لەونيد برەجنەۆكە حات جەتكٸزەدٸ, ساپار بارىسىندا ولاردى جاس ونكوحيرۋرگ ەرٸپ جٷرەدٸ. كارتينادا باستى كەيٸپكەردٸڭ بالالىق شاعى مەن قازاقستانعا جەر اۋدارىلعان كەزەڭٸ كٶرسەتٸلەدٸ.
ەسكە سالساق, 1944 جىلى 500 مىڭ شەشەن-ينگۋش قازاقستان مەن قىرعىزستانعا كٷشتەپ جەر اۋدارىلعان.
