Memleket basshysynyń, Úkimettiń qoldaýymen Syr óńiri qarqyndy qurylys alańyna ainaldy. Aimaqta 2022 jyldan beri 200-ge jýyq halyqqa qajetti áleýmettik nysan salynyp, turǵyndar igiligine berildi. Bul týraly elordada ótken Ortalyq kommýnikatsiialar qyzmetiniń brifinginde oblys ákimi Nurlybek Nálibaev atap ótti, dep habarlaidy Dalanews.kz.
«Aimaǵymyzda sońǵy 3 jylda alǵash ret barlyq aýdanda jańadan turǵyn úiler salynyp, 1 800-ge jýyq, atap aitqanda 2023 jyly 430, 2024 jyly 1015, 2025 jyly 332, jalpy 1777 páter jerlesterimizge tabys etildi. Biyl 3600 páterlik turǵyn úiler salýǵa biýdjetten 58 mlrd. 785 mln. teńge bólindi.
Bizdiń eń birinshi mindetimiz – balalarymyzdyń jan-jaqty sapaly bilim alýyna qolaily jaǵdai jasap, jaily orta qalyptastyrý.
«Bilimdi qoldaý qorynyń» 8 mlrd. 400 mln. teńge qarjysyna fizika-matematika baǵytyndaǵy «Bilim-innovatsiia» litsei-internaty el igiligine tabystaldy.
Atalǵan qor esebinen 2 mlrd. 333 mln. teńgege salynǵan Aral aýdany Mergensai aýylyndaǵy 150 oryndyq mektep jaqyn kúnderi paidalanýǵa beriledi.
Qyzylorda qalasynda qurylysyna 11 mlrd. teńge qaralǵan balalar men jasóspirimderge arnalǵan «Syr juldyzdary» akademiiasy, Jalaǵash, Jańaqorǵan, Shieli aýdandarynda 3 mlrd. teńgeden astam qarjyǵa Oqýshylar úii men Óner mektebi, oblys ortalyǵynda «QazMunaiGaz» ulttyq kompaniiasynyń demeýshiligimen 2 mlrd. 500 mln teńgege zamanaýi Oqýshylar saraiy ashyldy. «Saýts Oil» kompaniiasy mýzykalyq kolledjdiń jańa oqý ǵimaraty men jataqhanasyn salýǵa 4 mlrd. 800 mln. teńge demeýshilik jasady.
Qazirgi ýaqytta Prezident saiabaǵynda jyl boiy jumys isteitin zamanaýi balalar tynyǵý lageri, Botanikalyq bilim berý ortalyǵy boi kóterip keledi. Sondai-aq, jumysshy mamandardy daiarlaýǵa arnalǵan «Quzyrettilik ortalyǵy» ǵimaraty da bastaldy», – dedi N.Nálibaev.
Memleket basshysynyń bastamasymen qolǵa alynǵan «Taza Qazaqstan» respýblikalyq ekologiialyq baǵdarlamasy aiasynda oblys kóleminde kórkeitý-kógaldandyrý, aýyl aimaqtardy abattandyrý jumystary qarqyndy júrýde. Biyl qalalyq mádeni-demalys parki qaita jańǵyrtýdan ótti. Qorqyt Ata memorialdy alleiasy da jańǵyrtýdan keiin jaily demalys ornyna ainaldy.
Jańarǵan Prezident saiabaǵy turǵyndar kóp jinalatyn qaladaǵy kórikti oryndardyń biri bolady. Búginde saiabaqta bes juldyzdy qonaqúi salynýda. Syrdariia ózeni ústinen Astana shaǵyn aýdany men eki aralyqty bailanystyratyn jaiaý júrginshiler kópiri qurylysy josparlanǵan.
Óńirde 2023 jyldan beri oblystyq «Úlgili eldi meken» konkýrsy turaqty ótkizilip keledi. Úlgili aýyldarǵa oblystyq biýdjet qarjysyna alynǵan 67 arnaiy tehnika tabystaldy.
