QazaqGaz basqarma tóraǵasy Álibek Jamaýov kompaniiadaǵy burynǵy basshylyqtyń, onyń ishinde Qairat Sháripbaevtyń atymen bailanystyrylǵan yqtimal kóleńkeli shemalar týraly suraqqa jaýap berdi, dep habarlaidy dalanews.kz.
Jýrnalister Jamaýovtan buqaralyq aqparat quraldarynda jariialanǵan málimetterge sáikes, Sháripbaev qyzmetinen ketkennen keiin anyqtalǵan qarjylyq zańbuzýshylyqtar men deldaldyq shemalar jóninde surady.
Suraq barysynda burynǵy QazaqGaz basshysy Sanjar Jarkeshov ataǵan shamamen 937 mlrd teńge týraly da aityldy. Alaida Álibek Jamaýov 2022 jylǵy oqiǵalarǵa egjei-tegjeili pikir bildire almaitynyn jetkizdi.
«2022 jyly naqty ne bolǵanyn tolyq bilmeimin. Barlyq qajetti sharalardy quqyq qorǵaý organdary júrgizdi. QazaqGaz-qa qaitarylýy tiis dúnieniń bári qaitaryldy. Kompaniiaǵa kóptegen aktiv qaita oraldy. Sondyqtan bul máselemen tiisti memlekettik organdar ainalysady dep esepteimin», – dedi ol.
Odan keiin jýrnalister qazirgi ýaqytta QazaqGaz-ta Qairat Sháripbaevqa qatysy bar qurylymdarmen bailanysty kóleńkeli shemalar saqtalǵan-saqtalmaǵanyn naqtylady.
Álibek Jamaýov mundai shemalardyń qazir joq ekenin rastady.
