«QazMunaiGaz» ulttyq kompaniiasynyń ortalyq apparatynda qyzmetkerlerdi ońtailandyrý aiasynda 47 adam qysqartyldy, dep habarlaidy dalanews.kz.
Úkimettegi baspasóz máslihatynda kompaniia basqarma tóraǵasy Ashat Hasenov ortalyq apparattaǵy qyzmetkerlerdiń 10%-y, iaǵni 47 adam qysqartylǵanyn málimdedi.
Jýrnalister qysqartylǵan qyzmetkerlerge qandai áleýmettik qoldaý kórsetiletini jáne ótemaqy tóleýge qansha qarajat qarastyrylǵany týraly suraq qoidy.
Ashat Hasenovtiń aitýynsha, barlyq rásimder eńbek zańnamasy men eńbek sharttaryna sáikes júrgizilip jatyr.
«Barlyǵy eńbek zańnamasy jáne naqty eńbek sharttary aiasynda júzege asyrylady», – dedi kompaniia basshysy.
Onyń sózinshe, ońtailandyrý óndiristik bólimshelerge emes, ortalyq apparattyń ákimshilik-basqarý qurylymyna qatysty. Kompaniia bul ózgeristerdiń maqsaty basqarý tiimdiligin arttyrý ekenin atap ótti.
