مەملەكەت باسشىسىنىڭ, ٷكٸمەتتٸڭ قولداۋىمەن سىر ٶڭٸرٸ قارقىندى قۇرىلىس الاڭىنا اينالدى. ايماقتا 2022 جىلدان بەرٸ 200-گە جۋىق حالىققا قاجەتتٸ ەلەۋمەتتٸك نىسان سالىنىپ, تۇرعىندار يگٸلٸگٸنە بەرٸلدٸ. بۇل تۋرالى ەلوردادا ٶتكەن ورتالىق كوممۋنيكاتسييالار قىزمەتٸنٸڭ بريفينگٸندە وبلىس ەكٸمٸ نۇرلىبەك نەلٸباەۆ اتاپ ٶتتٸ, دەپ حابارلايدى Dalanews.kz.
«ايماعىمىزدا سوڭعى 3 جىلدا العاش رەت بارلىق اۋداندا جاڭادان تۇرعىن ٷيلەر سالىنىپ, 1 800-گە جۋىق, اتاپ ايتقاندا 2023 جىلى 430, 2024 جىلى 1015, 2025 جىلى 332, جالپى 1777 پەتەر جەرلەستەرٸمٸزگە تابىس ەتٸلدٸ. بيىل 3600 پەتەرلٸك تۇرعىن ٷيلەر سالۋعا بيۋدجەتتەن 58 ملرد. 785 ملن. تەڭگە بٶلٸندٸ.
بٸزدٸڭ ەڭ بٸرٸنشٸ مٸندەتٸمٸز – بالالارىمىزدىڭ جان-جاقتى ساپالى بٸلٸم الۋىنا قولايلى جاعداي جاساپ, جايلى ورتا قالىپتاستىرۋ.
«بٸلٸمدٸ قولداۋ قورىنىڭ» 8 ملرد. 400 ملن. تەڭگە قارجىسىنا فيزيكا-ماتەماتيكا باعىتىنداعى «بٸلٸم-يننوۆاتسييا» ليتسەي-ينتەرناتى ەل يگٸلٸگٸنە تابىستالدى.
اتالعان قور ەسەبٸنەن 2 ملرد. 333 ملن. تەڭگەگە سالىنعان ارال اۋدانى مەرگەنساي اۋىلىنداعى 150 ورىندىق مەكتەپ جاقىن كٷندەرٸ پايدالانۋعا بەرٸلەدٸ.
قىزىلوردا قالاسىندا قۇرىلىسىنا 11 ملرد. تەڭگە قارالعان بالالار مەن جاسٶسپٸرٸمدەرگە ارنالعان «سىر جۇلدىزدارى» اكادەميياسى, جالاعاش, جاڭاقورعان, شيەلٸ اۋداندارىندا 3 ملرد. تەڭگەدەن استام قارجىعا وقۋشىلار ٷيٸ مەن ٶنەر مەكتەبٸ, وبلىس ورتالىعىندا «قازمۇنايگاز» ۇلتتىق كومپانيياسىنىڭ دەمەۋشٸلٸگٸمەن 2 ملرد. 500 ملن تەڭگەگە زاماناۋي وقۋشىلار سارايى اشىلدى. «ساۋتس ويل» كومپانيياسى مۋزىكالىق كوللەدجدٸڭ جاڭا وقۋ عيماراتى مەن جاتاقحاناسىن سالۋعا 4 ملرد. 800 ملن. تەڭگە دەمەۋشٸلٸك جاسادى.
قازٸرگٸ ۋاقىتتا پرەزيدەنت ساياباعىندا جىل بويى جۇمىس ٸستەيتٸن زاماناۋي بالالار تىنىعۋ لاگەرٸ, بوتانيكالىق بٸلٸم بەرۋ ورتالىعى بوي كٶتەرٸپ كەلەدٸ. سونداي-اق, جۇمىسشى مامانداردى دايارلاۋعا ارنالعان «قۇزىرەتتٸلٸك ورتالىعى» عيماراتى دا باستالدى», – دەدٸ ن.نەلٸباەۆ.
مەملەكەت باسشىسىنىڭ باستاماسىمەن قولعا الىنعان «تازا قازاقستان» رەسپۋبليكالىق ەكولوگييالىق باعدارلاماسى اياسىندا وبلىس كٶلەمٸندە كٶركەيتۋ-كٶگالداندىرۋ, اۋىل ايماقتاردى اباتتاندىرۋ جۇمىستارى قارقىندى جٷرۋدە. بيىل قالالىق مەدەني-دەمالىس پاركٸ قايتا جاڭعىرتۋدان ٶتتٸ. قورقىت اتا مەموريالدى اللەياسى دا جاڭعىرتۋدان كەيٸن جايلى دەمالىس ورنىنا اينالدى.
جاڭارعان پرەزيدەنت ساياباعى تۇرعىندار كٶپ جينالاتىن قالاداعى كٶرٸكتٸ ورىنداردىڭ بٸرٸ بولادى. بٷگٸندە ساياباقتا بەس جۇلدىزدى قوناقٷي سالىنۋدا. سىردارييا ٶزەنٸ ٷستٸنەن استانا شاعىن اۋدانى مەن ەكٸ ارالىقتى بايلانىستىراتىن جاياۋ جٷرگٸنشٸلەر كٶپٸرٸ قۇرىلىسى جوسپارلانعان.
ٶڭٸردە 2023 جىلدان بەرٸ وبلىستىق «ٷلگٸلٸ ەلدٸ مەكەن» كونكۋرسى تۇراقتى ٶتكٸزٸلٸپ كەلەدٸ. ٷلگٸلٸ اۋىلدارعا وبلىستىق بيۋدجەت قارجىسىنا الىنعان 67 ارنايى تەحنيكا تابىستالدى.
