اۋىل شارۋاشىلىعى مينيسترلٸگٸ ەلگە الما يمپورتىن ۋاقىتشا شەكتەۋ تۋرالى بۇيرىق جوباسىن ەزٸرلەدٸ. قۇجات قوعامدىق تالقىلاۋعا شىعارىلدى, دەپ حابارلايدى dalanews.kz.
جوباعا سەيكەس تىيىم 2026 جىلعى 1 تامىزدان 31 جەلتوقسانعا دەيٸن ەنگٸزٸلەدٸ. شەكتەۋ ەۋرازييالىق ەكونوميكالىق وداققا مٷشە ەلدەردەن جەنە ٶزگە مەملەكەتتەردەن اۆتوموبيل, تەمٸرجول جەنە سۋ كٶلٸگٸ ارقىلى جەتكٸزٸلەتٸن المالارعا قاتىستى بولماق.
ال قازاقستان اۋماعى ارقىلى ٶتەتٸن ترانزيتتٸك تاسىمالدار مەن ەاەو ەلدەرٸ اراسىنداعى رەسپۋبليكا ارقىلى جٷزەگە اسىرىلاتىن جٷك تاسىمالى بۇل تىيىمعا كٸرمەيدٸ.
اۋىل شارۋاشىلىعى مينيسترلٸگٸنٸڭ مەلٸمەتٸنشە, باستاما 2026 جىلعى 5 ماۋسىمدا ٶتكەن سىرتقى ساۋدا ساياساتى مەسەلەلەرٸ جٶنٸندەگٸ ۆەدومستۆوارالىق كوميسسييانىڭ شەشٸمٸ نەگٸزٸندە ەزٸرلەنگەن. ونىڭ نەگٸزگٸ ماقساتى ٶ ٶنٸم جيناۋ كەزەڭٸندە وتاندىق باعبانداردى قولداۋ جەنە قازاقستاندىق المانىڭ تۇراقتى ساتىلۋىن قامتاماسىز ەتۋ.
مينيسترلٸك بۇل قۇجات قابىلدانۋى ەلەۋمەتتٸك-ەكونوميكالىق نەمەسە قۇقىقتىق تۇرعىدان تەرٸس سالدارعا ەكەلمەيدٸ دەپ ەسەپتەيدٸ.
بۇيرىق جوباسىن قوعامدىق تالقىلاۋ 8 شٸلدەگە دەيٸن جالعاسادى. وسىدان كەيٸن قۇجاتقا قول قويىلسا, تىيىم تامىزدان باستاپ كٷشٸنە ەنەدٸ.
