Aýyl sharýashylyǵy ministrligi elge alma importyn ýaqytsha shekteý týraly buiryq jobasyn ázirledi. Qujat qoǵamdyq talqylaýǵa shyǵaryldy, dep habarlaidy dalanews.kz.
Jobaǵa sáikes tyiym 2026 jylǵy 1 tamyzdan 31 jeltoqsanǵa deiin engiziledi. Shekteý Eýraziialyq ekonomikalyq odaqqa múshe elderden jáne ózge memleketterden avtomobil, temirjol jáne sý kóligi arqyly jetkiziletin almalarǵa qatysty bolmaq.
Al Qazaqstan aýmaǵy arqyly ótetin tranzittik tasymaldar men EAEO elderi arasyndaǵy respýblika arqyly júzege asyrylatyn júk tasymaly bul tyiymǵa kirmeidi.
Aýyl sharýashylyǵy ministrliginiń málimetinshe, bastama 2026 jylǵy 5 maýsymda ótken Syrtqy saýda saiasaty máseleleri jónindegi vedomstvoaralyq komissiianyń sheshimi negizinde ázirlengen. Onyń negizgi maqsaty ó ónim jinaý kezeńinde otandyq baǵbandardy qoldaý jáne qazaqstandyq almanyń turaqty satylýyn qamtamasyz etý.
Ministrlik bul qujat qabyldanýy áleýmettik-ekonomikalyq nemese quqyqtyq turǵydan teris saldarǵa ákelmeidi dep esepteidi.
Buiryq jobasyn qoǵamdyq talqylaý 8 shildege deiin jalǵasady. Osydan keiin qujatqa qol qoiylsa, tyiym tamyzdan bastap kúshine enedi.
