Almaty oblysynyń Eńbekshiqazaq aýdanynda Úlken Almaty kanalynyń boiyndaǵy avtojolda ornalasqan paidalanylmaityn kópirdi sý shaiyp ketti. Oblys ákimdiginiń málimetinshe, jańa kópirdiń qurylysy 2026 jylǵy 10 shildede bastalady, dep habarlaidy dalanews.kz.
Ákimdik bul jaǵdai oblys basshylyǵynyń baqylaýynda ekenin habarlady.
Ákimdiktiń málimetinshe, KV-49 avtomobil jolynyń 54-shaqyrymyndaǵy Túrgen ózeni arqyly ótetin kópir 2024 jyly apatty dep tanylǵan. Osyǵan bailanysty kópirmen kólik qozǵalysyna shekteý qoiylǵan.
«2026 jylǵy 1 shildede nóser jaýyn-shashyn saldarynan Túrgen ózenindegi sý deńgeii kóterilip, sonyń saldarynan apatty kópirdiń ainalasyndaǵy topyraqty sý shaiyp ketti», – delingen ákimdik jaýabynda.
Qurylys shilde aiynda bastalady?
Ákimdik málimetinshe, apatty kópirdi aýystyrý úshin jobalyq-smetalyq qujattama ázirlenip, memlekettik saraptamanyń oń qorytyndysy alynǵan. Jobaǵa qajetti qarjy da qarastyrylǵan. Memlekettik satyp alý rásimderiniń qorytyndysy boiynsha merdiger uiym anyqtalǵan.
«Merdiger uiym osy aida qurylys-montaj jumystaryna kirisedi», – dep málimdedi Almaty oblysynyń ákimdigi.
