Qyzylorda oblysynyń ákimi áleýmettik jelilerde taraǵan, mektep muǵalimderin óńir basshysy týraly jazbalarǵa laik basyp, pikir qaldyrýǵa májbúrledi degen skrinshottarǵa qatysty pikir bildirdi, dep habarlaidy Dalanews.kz.
Astanadaǵy Ortalyq kommýnikatsiialar qyzmeti alańynda ótken brifing barysynda jýrnalister Nurlybek Nálibaevke WhatsApp messendjerindegi hat-habar skrinshottary týraly suraq qoidy. Onda habarlama avtorlary pedagogterden Qyzylorda oblysynyń ákimi týraly jariialanymdarǵa 30 laik qoiyp, sonsha pikir jazý talap etilgenin alǵa tartqan.
Aimaq basshysy mundai tapsyrmalardyń bolǵanyn joqqa shyǵardy.
"Mundai tapsyrma bolǵan joq. Eger naqty dálelderińiz bolsa, joldańyzdar, men jaýap beremin. Qajet bolǵan jaǵdaida bul derekti tekserý úshin quqyq qorǵaý organdaryna júginemiz. Bul aqparattyń qaidan shyqqanyn bilmeimin. Bizge laik te, pikir de qajet emes. Biz tek óz jumysymyzdy atqaryp júrmiz", - dedi Qyzylorda oblysynyń ákimi.
Ákimdik ne sebepti aqparat jalǵan bolǵan jaǵdaida tekseris bastamady degen saýalǵa jaýap bergen Nálibaev internette jariialanymdardyń óte kóp ekenin atap ótip, bul máselege qatysty jazbasha túrde keńirek túsinikteme berýge daiyn ekenin aitty.
"Jelide túrli aqparat kóp jariialanady. Men ony esimde saqtamaimyn, bálkim, bul suraqqa buryn da jaýap bergen shyǵarmyn", - dedi aimaq basshysy.
