Ilon Masktyń syiaqysy qaita qalpyna keltirildi, milliarderdiń bailyǵy $700 mlrd-tan asty, dep habarlaidy Dalanews.kz.
AQSh-tyń Delaver shtatyndaǵy Joǵarǵy sot Ilon Masktyń $56 mlrd kólemindegi syiaqysyn qaita qalpyna keltirý týraly sheshim qabyldady. Bul týraly Financial Times jazady.
Atalǵan syiaqy paketi Tesla kompaniiasy aktsionerleriniń 2018 jylǵy jyldyq jinalysynda maquldanǵan. Alaida 2024 jyly Delaverdiń Kantslerlik soty bul sheshimdi jaramsyz dep tanyp, Mask óziniń bedeli men yqpalyn paidalana otyryp direktorlar keńesin baqylaýda ustaǵanyn, al mundai kólemdegi ótemaqy aktsionerler úshin ádiletsiz ekenin alǵa tartqan bolatyn.
Endi Joǵarǵy sottyń sheshiminen keiin jaǵdai ózgerdi. Forbes deregine sáikes, Masktyń jalpy bailyǵy $749 mlrd-qa deiin ósip, ekinshi orynda turǵan Google kompaniiasynyń negizin qalaýshylardyń biri Larri Peidjtan shamamen $500 mlrd-qa artyq kórsetkishke jetken.
Osylaisha Ilon Mask adamzat tarihynda alǵash ret bailyǵy $700 mlrd-tan asqan tulǵa atandy. Aita keteiik, ótken aptada ol bailyǵy $600 mlrd mejeden asqan alǵashqy adam retinde de tirkelgen edi.
