Qazaqstanda memlekettik qaryzdy basqarý jónindegi keńes quryldy, dep habarlaidy Dalanews.kz.
Bul qaryz alý saiasaty men memlekettik baǵaly qaǵazdar naryǵyn damytý salasyndaǵy sheshimderdi úilestirýge arnalǵan jańa konsýltativtik-keńesshi organ, dep habarlady Qazaqstan Respýblikasynyń Ulttyq banki.
Keńes makroekonomikalyq jaǵdai men qaryz turaqtylyǵyna qoiylatyn talaptardy eskere otyryp, memlekettik qaryzdy basqarý boiynsha kelisilgen tásilderdi qalyptastyrý alańy bolmaq.
Organnyń negizgi mindetteriniń qatarynda biýdjet tapshylyǵyn jabý úshin memlekettik qaryz alý qunyn tómendetý, memlekettik baǵaly qaǵazdardyń ishki jáne syrtqy naryqtaryn damytý, sondai-aq kvazimemlekettik sektor men korporativtik emitentter úshin kiristilik baǵdarlaryn qalyptastyrý bar. Sonymen qatar memlekettik baǵaly qaǵazdar naryǵynyń tereńdigi men ótimdiligin arttyrýǵa erekshe kóńil bólinedi.
Ulttyq bankte keńestiń qurylýy fiskaldyq jáne aqsha-nesie saiasatyn neǵurlym tyǵyz úilestirý baǵytyn kórsetetinin atap ótti.
