Qazaqstanda ortasha ailyq jalaqynyń eń joǵary deńgeii 35 pen 44 jas aralyǵyndaǵy azamattarǵa tiesili. Ulttyq statistika biýrosynyń dereginshe, osy jastaǵy qyzmetkerler orta eseppen aiyna 489 629 teńge alady, dep habarlaidy dalanews.kz.
Jalaqy kólemi eńbek jolynyń alǵashqy kezeńinde birtindep ósip, 35–44 jas aralyǵynda shegine jetedi. Budan keiin tabys deńgeii qaita tómendei bastaidy.
Máselen, 16–24 jastaǵy jastardyń ortasha jalaqysy 310 256 teńge bolsa, 25–34 jas aralyǵyndaǵy qyzmetkerler aiyna orta eseppen 424 097 teńge tabady. 45–54 jasta bul kórsetkish 467 544 teńgege deiin tómendeidi.
Al 55–64 jas aralyǵyndaǵy azamattardyń ortasha ailyǵy 399 772 teńgeni quraidy. 65 jastan asqan qyzmetkerlerdiń jalaqysy orta eseppen 341 869 teńgege teń.
Erler qansha tabady?
Er azamattar arasynda da eń joǵary jalaqy 35–44 jas aralyǵynda tirkelgen. Bul jastaǵy erlerdiń ortasha ailyǵy 574 138 teńgege jetedi.
25–34 jastaǵy erler orta eseppen 477 344 teńge alsa, 45–54 jas aralyǵynda bul kórsetkish 555 066 teńgeni quraidy. Al 55–64 jastaǵy erlerdiń ailyǵy 442 963 teńgege deiin tómendeidi.
16–24 jastaǵy er azamattar orta eseppen 337 772 teńge, al 65 jastan asqandar 350 733 teńge tabady.
Áielderdiń jalaqysy qandai?
Áielder arasynda eń joǵary ortasha jalaqy da 35–44 jas tobyna tiesili. Olardyń ailyq tabysy 407 441 teńgeni quraidy.
45–54 jastaǵy áielder orta eseppen 402 660 teńge alady. 25–34 jas aralyǵynda bul kórsetkish 361 169 teńge bolsa, 55–64 jasta 363 965 teńgege teń.
Al 16–24 jastaǵy qyz-kelinshekterdiń ortasha ailyǵy 279 555 teńgeni quraidy. 65 jastan asqan áielder aiyna orta eseppen 331 539 teńge alady.
