قازاقستاندا ەڭ جوعارى جالاقىنى قاي جاستا الادى?

قازاقستاندا ورتاشا ايلىق جالاقىنىڭ ەڭ جوعارى دەڭگەيٸ 35 پەن 44 جاس ارالىعىنداعى ازاماتتارعا تيەسٸلٸ. ۇلتتىق ستاتيستيكا بيۋروسىنىڭ دەرەگٸنشە, وسى جاستاعى قىزمەتكەرلەر ورتا ەسەپپەن ايىنا 489 629 تەڭگە الادى, دەپ حابارلايدى dalanews.kz.

جالاقى كٶلەمٸ ەڭبەك جولىنىڭ العاشقى كەزەڭٸندە بٸرتٸندەپ ٶسٸپ, 35–44 جاس ارالىعىندا شەگٸنە جەتەدٸ. بۇدان كەيٸن تابىس دەڭگەيٸ قايتا تٶمەندەي باستايدى.

مەسەلەن, 16–24 جاستاعى جاستاردىڭ ورتاشا جالاقىسى 310 256 تەڭگە بولسا, 25–34 جاس ارالىعىنداعى قىزمەتكەرلەر ايىنا ورتا ەسەپپەن 424 097 تەڭگە تابادى. 45–54 جاستا بۇل كٶرسەتكٸش 467 544 تەڭگەگە دەيٸن تٶمەندەيدٸ.

ال 55–64 جاس ارالىعىنداعى ازاماتتاردىڭ ورتاشا ايلىعى 399 772 تەڭگەنٸ قۇرايدى. 65 جاستان اسقان قىزمەتكەرلەردٸڭ جالاقىسى ورتا ەسەپپەن 341 869 تەڭگەگە تەڭ.

ەرلەر قانشا تابادى?

ەر ازاماتتار اراسىندا دا ەڭ جوعارى جالاقى 35–44 جاس ارالىعىندا تٸركەلگەن. بۇل جاستاعى ەرلەردٸڭ ورتاشا ايلىعى 574 138 تەڭگەگە جەتەدٸ.

25–34 جاستاعى ەرلەر ورتا ەسەپپەن 477 344 تەڭگە السا, 45–54 جاس ارالىعىندا بۇل كٶرسەتكٸش 555 066 تەڭگەنٸ قۇرايدى. ال 55–64 جاستاعى ەرلەردٸڭ ايلىعى 442 963 تەڭگەگە دەيٸن تٶمەندەيدٸ.

16–24 جاستاعى ەر ازاماتتار ورتا ەسەپپەن 337 772 تەڭگە, ال 65 جاستان اسقاندار 350 733 تەڭگە تابادى.

ەيەلدەردٸڭ جالاقىسى قانداي?

ەيەلدەر اراسىندا ەڭ جوعارى ورتاشا جالاقى دا 35–44 جاس توبىنا تيەسٸلٸ. ولاردىڭ ايلىق تابىسى 407 441 تەڭگەنٸ قۇرايدى.

45–54 جاستاعى ەيەلدەر ورتا ەسەپپەن 402 660 تەڭگە الادى. 25–34 جاس ارالىعىندا بۇل كٶرسەتكٸش 361 169 تەڭگە بولسا, 55–64 جاستا 363 965 تەڭگەگە تەڭ.

ال 16–24 جاستاعى قىز-كەلٸنشەكتەردٸڭ ورتاشا ايلىعى 279 555 تەڭگەنٸ قۇرايدى. 65 جاستان اسقان ەيەلدەر ايىنا ورتا ەسەپپەن 331 539 تەڭگە الادى.