Ekonomist Maqsat Halyq jeke qarjyny basqarý, qajetsiz shyǵyndardy qysqartý jáne jinaq qalyptastyrý boiynsha keńesterimen bólisti, dep habarlaidy dalanews.kz.
Ol Facebook paraqshasynda qarjylyq jaǵdaiyn jaqsartqysy keletin azamattarǵa mynadai keńester usyndy.
1. Shyǵyndardy basqarýdan bastańyz
Qarjylyq jaǵdaiyńyzdy ózgertkińiz kelse, aldymen shyǵyndaryńyzdy baqylaýǵa alyńyz.
2. Shyǵyndaryńyzdy jazyp júrińiz
Árbir shyǵyndy tirkep otyryńyz. Qajettilik pen qalaýdy ajyratyńyz. Kafe, taksi jáne josparsyz saýda siiaqty shyǵyndardy esepteńiz. Ai sońynda aqshańyzdyń qaida jumsalǵanyn naqty kóresiz.
3. Qajetsiz satyp alýdy toqtatyńyz
Úsh ai boiy josparsyz satyp alýdan bas tartyńyz. Jańa zat almas buryn ózińizden: «Bul maǵan shynymen qajet pe?» dep surańyz. Satyp almaǵan zattyń aqshasyn jinaǵyńyzǵa aýdaryńyz.
4. Ózińizdi ózgelermen salystyrmańyz
Bireýdiń kóligine, saiahatyna nemese tabysyna qarap sheshim qabyldamańyz. Onyń qarjylyq jaǵdaiyn tolyq bilmeisiz. Áleýmettik jelige ketetin ýaqytyńyzdy azaityp, óz maqsatyńyzǵa kóńil bólińiz.
5. Qarjylyq saýattylyǵyńyzdy arttyryńyz
Biýdjet júrgizýdi, jinaq qalyptastyrýdy jáne investitsiia negizderin úirenińiz. Aqsha tabý mańyzdy, biraq ony durys basqarý odan da mańyzdy.
6. Qarjylyq qor qalyptastyryńyz
Qarjyńyzdy myna retpen josparlańyz:
• Kúndelikti qajettilikterge arnalǵan qarajat;
• Kútpegen jaǵdailarǵa arnalǵan qor;
• Uzaq merzimdi jinaq;
• Qarjylyq múmkindigińizge sai investitsiia.
Tabysyńyzdyń belgili bir bóligin turaqty túrde jinap otyryńyz.
Maqsat Halyqtyń jazbasyndaǵy negizgi oi - qarjylyq turaqtylyq tek tabys kólemine emes, aqshany basqarý ádetine de bailanysty.
