Aqtóbe oblysyndaǵy Temir qalasynyń ákimi Erkin Dalmaǵambetov 46 jasynda óz-ózine qol jumsaǵan. Onyń máiiti 20 jeltoqsan kúni keshki saǵat toǵyzdar shamasynda úiinen tabylǵan, dep habarlaidy Dalanews.kz.
Temir aýdanynyń ákimi Almas Jaqsylyqov bul aqparatty rastady.
«Máiiti úiinen tabyldy. Qazir jan-jaqty tekserý júrgizilip jatyr. Artynda balalary qaldy», — dedi ol.
Beiresmi derekkózderdiń málimetinshe, sol kúni Erkin Dalmaǵambetov dostarymen kezdesken. Aýdandyq ákimdik qaiǵyly oqiǵany rastady. Erkin Dalmaǵambetov Temir qalasynyń ákimi qyzmetine ótken jyldyń maýsym aiynda taǵaiyndalǵan.
Qazir oqiǵanyń mán-jaiy anyqtalyp, tergeý júrgizilip jatyr.
