اقتوبە وبلىسىنداعى تەمىر قالاسىنىڭ اكىمى ەركىن دالماعامبەتوۆ 46 جاسىندا وز-وزىنە قول جۇمساعان. ونىڭ ءمايىتى 20 جەلتوقسان كۇنى كەشكى ساعات توعىزدار شاماسىندا ۇيىنەن تابىلعان، دەپ حابارلايدى Dalanews.kz.
تەمىر اۋدانىنىڭ اكىمى الماس جاقسىلىقوۆ بۇل اقپاراتتى راستادى.
«ءمايىتى ۇيىنەن تابىلدى. ءقازىر جان-جاقتى تەكسەرۋ جۇرگىزىلىپ جاتىر. ارتىندا بالالارى قالدى»، — دەدى ول.
بەيرەسمي دەرەككوزدەردىڭ مالىمەتىنشە، سول كۇنى ەركىن دالماعامبەتوۆ دوستارىمەن كەزدەسكەن. اۋداندىق اكىمدىك قايعىلى وقيعانى راستادى. ەركىن دالماعامبەتوۆ تەمىر قالاسىنىڭ اكىمى قىزمەتىنە وتكەن جىلدىڭ ماۋسىم ايىندا تاعايىندالعان.
ءقازىر وقيعانىڭ ءمان-جايى انىقتالىپ، تەرگەۋ جۇرگىزىلىپ جاتىر.
