Pavlodar oblysynyń ákimi Asaiyn Baihanov óńirden kóship jatqan halyqqa qatysty óz pikirin bildirdi, dep habarlaidy Dalanews.kz Informburo.kz-ke silteme jasap.
Ákimge bul saýaldy qoiǵan jýrnalist biylǵy jyldyń alǵashqy 10 aiynda Pavlodar oblysynan 6 myńnan astam adamnyń ketkenin atap ótti. Osyǵan jaýap bergen óńir basshysy máseleniń kúrdeli ári júieli sipatqa ie ekenin aitty.
"Bul suraqqa ústirt jaýap berý múmkin emes. Sebebi bul – biz qazir jumys istep jatqan negizgi júieli problemalardyń biri", – dedi Asaiyn Baihanov.
Oblys ákiminiń aitýynsha, halyqtyń kóship ketýiniń basty sebepteriniń biri – ekologiialyq ahýaldyń nasharlyǵy. Pavlodar oblysy el boiynsha ziiandy shyǵaryndylar kólemi jóninen birinshi orynda tur.
"Elimiz boiynsha jyl saiyn atmosferaǵa 2,1 million tonna qatty bólshek shyǵarylady. Sonyń 30 paiyzy nemese shamamen 700 myń tonnasy Pavlodar oblysynyń úlesine tiesili", – dedi ol.
Ásirese, shyǵaryndylardyń negizgi bóligi Ekibastuz qalasyna tiesili. Munda iri energiia óndirýshi kásiporyndardyń jumysyna bailanysty jylyna shamamen 400 myń tonna ziiandy qaldyq aýaǵa taraidy.
Sonymen qatar, ákim kóshi-qon kórsetkishterin tek ketýshiler sany arqyly ǵana emes, óńirge kelýshiler sanymen birge qarastyrý qajet ekenin aitty.
"32 myń adam óńirden kóship ketken bolsa, 24,5 myń adam kerisinshe oblysqa kelgen. Nátijesinde taza kóshi-qon aiyrmasy shamamen 8 myń adamdy quraidy", - dedi Asain Baihanov.
Óńir basshysy jastardyń Reseige ketýin de halyq sanynyń azaiýyna áser etip otyrǵan faktorlardyń biri retinde atady. Resei Federatsiiasymen shekaralas ornalasqan Pavlodar oblysynan mektep túlekteri Novosibir, Omby, Tomsk jáne Kemerovo qalalaryna oqýǵa jii ketedi.
"Solardyń 50–60 paiyzy oqýyn aiaqtaǵannan keiin sol jaqta qalyp, ómirin sol elde jalǵastyrady", – dedi ákim.
Asain Baihanov sondai-aq óńirdiń etnikalyq quramyna da toqtalyp ótti. Onyń aitýynsha, qazirgi tańda Pavlodar oblysy halqynyń 57 paiyzyn qazaqtar, al 43 paiyzyn ózge ult ókilderi quraidy.
Halyq sanynyń azaiýyn óteý maqsatynda naqty sharalar qabyldanyp jatqanyn aitqan ákim ońtústik óńirlerden eńbek kúshi artyq aimaqtardan qonys aýdarý baǵdarlamasyna nazar aýdardy.
"Qazirgi tańda Pavlodar oblysyna 5 500 adam qonys aýdardy. Sonymen qatar 1 500-ge jýyq qandas kóship keldi. Degenmen halyq sanynyń azaiýy bar ekenin moiyndaimyz jáne bul baǵytta júieli jumys júrgizip jatyrmyz", – dep túiindedi óńir basshysy.
