Keiingi 2022-2025 jyldary 1 600 shaqyrym avtomobil joly men 30 kópir ótkelin salýǵa, kúrdeli jóndeýden ótkizýge 150 mlrd. teńgege jýyq qarjy bólindi. Biyl jaqsy jaǵdaidaǵy joldardyń úlesi 95 paiyzǵa jetti. Bul týraly aimaq basshysy Nurlybek Nálibaev Ortalyq kommýnikatsiialar qyzmetiniń brifinginde aitty, dep habarlaidy Dalanews.kz.
«Qyzylorda qalasyndaǵy 270 kóshe qaita jańǵyrtyldy. Biyl jol infraqurylymyn damytýǵa biýdjetten 50 mlrd. 605 mln. teńge bólinip, 329 shaqyrym avtomobil joly, kósheler men kópir ótkelderi jóndeýden ótti.
Jaqynda ǵana «Qyzylorda-Jezqazǵan» avtomobil jolynyń oblys aýmaǵyndaǵy 216 shaqyrymy qaita jańǵyrtýdan ótip, el igiligine berildi. Mamyr aiynda Aral qalasynda 3 mlrd. 140 mln. teńgege salynǵan 940 metrlik aspaly kópir ashyldy. Jańaqorǵan kentindegi temirjol ústinen ótetin kópirdi de turǵyndar uzaq jyl kútti, bul nysan qurylysyna 1 mlrd. 400 mln. teńge jumsalyp, shilde aiynda paidalanýǵa berildi.
Memleket basshysynyń tapsyrmasyna sáikes Qyzylorda qalasynan Aqtóbe oblysy baǵytyndaǵy avtomobil jolyn 4 jolaqtyǵa aýystyrý jobasy demeýshiler esebinen 350 mln. teńgege ázirlendi. Búginde qala mańynan ainalma jol salý jumystary bastalady. Ekinshi bóligi, iaǵni Aqtóbe shekarasyna deiingi 462 shaqyrymnyń tehnika-ekonomikalyq negizdemesi daiyndaldy. Joba quny 832 mlrd. 812 mln. teńge, qurylys aiaqtalǵanda jarty myń shaqyrymǵa jýyq jol I sanatqa aýysady.
Memleket basshysynyń biylǵy Joldaýynda kólik logistikasyn odan ári damytý baǵyty belgilenip, «Sekseýil-Beineý» avtomobil jolynyń qurylysyn jedeldetý tapsyrylǵan. Avtojoldyń uzyndyǵy 559 shaqyrym, onyń 189 shaqyrymy Aral aýdanynyń Qulandy, Aqbasty, Aqespe, Qosaman, Berdikól, Sekseýil aýyldary arqyly ótedi. Bul óńirdiń eń shetki eldi mekenderindegi jol qatynasyn jaqsaratady», – dedi N.Nálibaev.
Memleket basshysynyń qoldaýymen Qorqyt Ata áýejaiynyń jańa terminaly el igiligine paidalanýǵa berildi. Jobany iske asyrýǵa 16 mlrd. 700 mln. teńge jeke investitsiia tartyldy. Jergilikti biýdjetten injenerlik-kommýnikatsiialyq infraqurylym tartýǵa 4 mlrd. 300 mln. teńgeden astam qarajat bólindi.
Búginde áýejai memlekettik sýbsidiiasyz jumys jasaidy. Jańa terminaldyń jylyna 2 mln. jolaýshyǵa deiin qabyldaý múmkindigi bar. Aptasyna 30 reis (Astana qalasyna 18, Almaty qalasyna 12), kúndelikti 1200-den astam jolaýshyǵa sapaly, halyqaralyq standarttarǵa sai qyzmet kórsetedi.
Qyzylorda qalasynda 975 mln. teńgege salynǵan zamanaýi avtovokzal da jolaýshylar igiligine ainaldy. Oblys ortalyǵy turǵyndarynyń qoǵamdyq kólikke qatysty máselesin sheshý úshin 300 jańa avtobýs ákelindi, oǵan qosa 1 mlrd. teńgege satyp alynǵan 100 ekotaksi qalaishilik kólik qatynasynyń júiege kelýine oń yqpal etti.
«Qazaqstan Temir Joly» kompaniiasy men jergilikti kásipkerlerdiń demeýshiligimen oblys ortalyǵyndaǵy temirjol vokzaly 600 mln teńgeden astam qarjyǵa kúrdeli jóndeýden ótti. Qazirgi tańda Aral, Sekseýil, Jalaǵash, Tereńózek vokzaldary qaita salynyp, Qazaly, Tóretam, Shieli, Jańaqorǵan temirjol vokzaldary kúrdeli jóndeýden ótýde.
Jaqynda investorlar Aral, Jańaqorǵan aýdandarynda jol boiyndaǵy zamanaýi qyzmet kórsetý keshenderin ashty. Qyzylorda qalasyndaǵy temirjol asty avtojol qurylysy qarqyndy júrýde. Al Qarmaqshy aýdany ortalyǵyndaǵy temirjol arqyly ótetin kópir qurylysy aldaǵy ýaqytta bastalady.
