كەيٸنگٸ 2022-2025 جىلدارى 1 600 شاقىرىم اۆتوموبيل جولى مەن 30 كٶپٸر ٶتكەلٸن سالۋعا, كٷردەلٸ جٶندەۋدەن ٶتكٸزۋگە 150 ملرد. تەڭگەگە جۋىق قارجى بٶلٸندٸ. بيىل جاقسى جاعدايداعى جولداردىڭ ٷلەسٸ 95 پايىزعا جەتتٸ. بۇل تۋرالى ايماق باسشىسى نۇرلىبەك نەلٸباەۆ ورتالىق كوممۋنيكاتسييالار قىزمەتٸنٸڭ بريفينگٸندە ايتتى, دەپ حابارلايدى Dalanews.kz.
«قىزىلوردا قالاسىنداعى 270 كٶشە قايتا جاڭعىرتىلدى. بيىل جول ينفراقۇرىلىمىن دامىتۋعا بيۋدجەتتەن 50 ملرد. 605 ملن. تەڭگە بٶلٸنٸپ, 329 شاقىرىم اۆتوموبيل جولى, كٶشەلەر مەن كٶپٸر ٶتكەلدەرٸ جٶندەۋدەن ٶتتٸ.
جاقىندا عانا «قىزىلوردا-جەزقازعان» اۆتوموبيل جولىنىڭ وبلىس اۋماعىنداعى 216 شاقىرىمى قايتا جاڭعىرتۋدان ٶتٸپ, ەل يگٸلٸگٸنە بەرٸلدٸ. مامىر ايىندا ارال قالاسىندا 3 ملرد. 140 ملن. تەڭگەگە سالىنعان 940 مەترلٸك اسپالى كٶپٸر اشىلدى. جاڭاقورعان كەنتٸندەگٸ تەمٸرجول ٷستٸنەن ٶتەتٸن كٶپٸردٸ دە تۇرعىندار ۇزاق جىل كٷتتٸ, بۇل نىسان قۇرىلىسىنا 1 ملرد. 400 ملن. تەڭگە جۇمسالىپ, شٸلدە ايىندا پايدالانۋعا بەرٸلدٸ.
مەملەكەت باسشىسىنىڭ تاپسىرماسىنا سەيكەس قىزىلوردا قالاسىنان اقتٶبە وبلىسى باعىتىنداعى اۆتوموبيل جولىن 4 جولاقتىعا اۋىستىرۋ جوباسى دەمەۋشٸلەر ەسەبٸنەن 350 ملن. تەڭگەگە ەزٸرلەندٸ. بٷگٸندە قالا ماڭىنان اينالما جول سالۋ جۇمىستارى باستالادى. ەكٸنشٸ بٶلٸگٸ, ياعني اقتٶبە شەكاراسىنا دەيٸنگٸ 462 شاقىرىمنىڭ تەحنيكا-ەكونوميكالىق نەگٸزدەمەسٸ دايىندالدى. جوبا قۇنى 832 ملرد. 812 ملن. تەڭگە, قۇرىلىس اياقتالعاندا جارتى مىڭ شاقىرىمعا جۋىق جول ٸ ساناتقا اۋىسادى.
مەملەكەت باسشىسىنىڭ بيىلعى جولداۋىندا كٶلٸك لوگيستيكاسىن ودان ەرٸ دامىتۋ باعىتى بەلگٸلەنٸپ, «سەكسەۋٸل-بەينەۋ» اۆتوموبيل جولىنىڭ قۇرىلىسىن جەدەلدەتۋ تاپسىرىلعان. اۆتوجولدىڭ ۇزىندىعى 559 شاقىرىم, ونىڭ 189 شاقىرىمى ارال اۋدانىنىڭ قۇلاندى, اقباستى, اقەسپە, قوسامان, بەردٸكٶل, سەكسەۋٸل اۋىلدارى ارقىلى ٶتەدٸ. بۇل ٶڭٸردٸڭ ەڭ شەتكٸ ەلدٸ مەكەندەرٸندەگٸ جول قاتىناسىن جاقساراتادى», – دەدٸ ن.نەلٸباەۆ.
مەملەكەت باسشىسىنىڭ قولداۋىمەن قورقىت اتا ەۋەجايىنىڭ جاڭا تەرمينالى ەل يگٸلٸگٸنە پايدالانۋعا بەرٸلدٸ. جوبانى ٸسكە اسىرۋعا 16 ملرد. 700 ملن. تەڭگە جەكە ينۆەستيتسييا تارتىلدى. جەرگٸلٸكتٸ بيۋدجەتتەن ينجەنەرلٸك-كوممۋنيكاتسييالىق ينفراقۇرىلىم تارتۋعا 4 ملرد. 300 ملن. تەڭگەدەن استام قاراجات بٶلٸندٸ.
بٷگٸندە ەۋەجاي مەملەكەتتٸك سۋبسيديياسىز جۇمىس جاسايدى. جاڭا تەرمينالدىڭ جىلىنا 2 ملن. جولاۋشىعا دەيٸن قابىلداۋ مٷمكٸندٸگٸ بار. اپتاسىنا 30 رەيس (استانا قالاسىنا 18, الماتى قالاسىنا 12), كٷندەلٸكتٸ 1200-دەن استام جولاۋشىعا ساپالى, حالىقارالىق ستاندارتتارعا ساي قىزمەت كٶرسەتەدٸ.
قىزىلوردا قالاسىندا 975 ملن. تەڭگەگە سالىنعان زاماناۋي اۆتوۆوكزال دا جولاۋشىلار يگٸلٸگٸنە اينالدى. وبلىس ورتالىعى تۇرعىندارىنىڭ قوعامدىق كٶلٸككە قاتىستى مەسەلەسٸن شەشۋ ٷشٸن 300 جاڭا اۆتوبۋس ەكەلٸندٸ, وعان قوسا 1 ملرد. تەڭگەگە ساتىپ الىنعان 100 ەكوتاكسي قالاٸشٸلٸك كٶلٸك قاتىناسىنىڭ جٷيەگە كەلۋٸنە وڭ ىقپال ەتتٸ.
«قازاقستان تەمٸر جولى» كومپانيياسى مەن جەرگٸلٸكتٸ كەسٸپكەرلەردٸڭ دەمەۋشٸلٸگٸمەن وبلىس ورتالىعىنداعى تەمٸرجول ۆوكزالى 600 ملن تەڭگەدەن استام قارجىعا كٷردەلٸ جٶندەۋدەن ٶتتٸ. قازٸرگٸ تاڭدا ارال, سەكسەۋٸل, جالاعاش, تەرەڭٶزەك ۆوكزالدارى قايتا سالىنىپ, قازالى, تٶرەتام, شيەلٸ, جاڭاقورعان تەمٸرجول ۆوكزالدارى كٷردەلٸ جٶندەۋدەن ٶتۋدە.
جاقىندا ينۆەستورلار ارال, جاڭاقورعان اۋداندارىندا جول بويىنداعى زاماناۋي قىزمەت كٶرسەتۋ كەشەندەرٸن اشتى. قىزىلوردا قالاسىنداعى تەمٸرجول استى اۆتوجول قۇرىلىسى قارقىندى جٷرۋدە. ال قارماقشى اۋدانى ورتالىعىنداعى تەمٸرجول ارقىلى ٶتەتٸن كٶپٸر قۇرىلىسى الداعى ۋاقىتتا باستالادى.
