Aıta ketelik qazirgi ýaqytta kásipkerliktiń damýyna memleket tarapynan keń qoldaý júrgizilýde. Bizdiń eldiń ekonomıkasynyń erteńgi tiregi kásipkerlik ekenin memlekettik qyzmetkerler jete túsinýde.
Kásipkerlik nysandaryna qadaǵalaý júrgizetin memlekettik organdardyń qyzmeti Qazaqstan Respýblıkasynyń zańdarynda belgilengen shekte jarıaly jáne ashyq bolýǵa tıis ekendigi QR Kásipkerlik kodeksinde kórsetilgen.
Densaýlyq saqtaý mınıstrliginiń Qoǵamdyq densaýlyq saqtaý komıteti tarapynan da jeke kásipkerlik nysandaryn qoldaýda kóptegen normatıvtik-zańdylyq qujattaryna ózgerister engizilip, kásipkerlik nysandaryna qoldaýlar kórsetilýde.
Atap aıtqanda, tekserý paraqtary nysandar tobyna sáıkes ońtaılandyrylyp, birneshe ese qysqartyldy, ruqsatnama qujattaryn alý tek epıdemıologıalyq mańyzdy nysandar tobyna ǵana qatysty bolyp qaldy.
Nurbek Nyshanov, oblystyq qoǵamdyq densaýlyq saqtaý departamentiniń basyshysy:
«Erekshe tártippen tekseriletin nysandar toby da jyldan jylǵa qysqartylýda, 2015 jyly jeke káspkerlik nysandaryn tekserýge moratorıı jarıalansa, 2016 jyly bizdiń qyzmet tarapynan 2062 kásipkerlik nysandary, 2017 jyly 1982 nysandar tekserýmen qamtylsa, 2018 jyldyń 9 aıynda 944 kásipkerlik nysandary tekserilgen. Al jospardan tys tekserýler 2016 jyly 894, 2017 jyly 516 qurasa, aǵymdaǵy jyldyń 9 aıynda 657-ni quraǵan».
