Qazaqstanda qoǵamdyq tamaqtaný salasy serpindi damýda — 2025 jyldyń toǵyz aiynyń qorytyndysy boiynsha elde 55 jańa meiramhana iske qosyldy. Bul — sońǵy jeti jyldaǵy eń joǵary kórsetkish jáne qoljetimdi derekter tarihyndaǵy absoliýtti rekord. Biýro ulttyq statistikasynyń (BNS ASPiR RK) málimetinshe, ótken jylmen salystyrǵanda ósim 1,8 ese artqan dep habarlaidy Dalanews.kz
Oryn sany men quny
Jańa meiramhanalardaǵy jalpy oryn sany 2025 jyldyń qańtar–qyrkúiek aralyǵynda 16,2 myńdy qurady. Bul — 2018 jyldan bergi eń joǵary deńgei (sol jyly — 19,4 myń oryn bolǵan).
Degenmen, bir meiramhanaǵa shyqqandaǵy ortasha oryn sanyn esepteý múmkin emes, sebebi jańa ashylǵan nysandar men qaita jóndelgen meiramhanalar statistikada bólek esepteledi.
Bir orynnyń ortasha quny shamamen 3,5 mln teńgeni qurap otyr — bul byltyrǵydan 46% joǵary. Al jalpy engizilgen nysandardyń quny 57 mlrd teńgege jýyqtaǵan (jyldyq ósim — 2,7 ese).
Aimaqtar kóshbasshylary
Meiramhanalar geografiiasy birkelki emes. Kóshti Túrkistan oblysy bastap tur — munda 23 jańa nysan ashylǵan, iaǵni el boiynsha barlyq meiramhanalardyń 40%-dan astamy osy óńirge tiesili.
Ekinshi orynda — Qyzylorda oblysy (7 meiramhana), úshinshi orynda — Atyraý oblysy (5 meiramhana).
Astanada bar bolǵany bir ǵana meiramhana iske qosylǵanymen, onda bir orynnyń ortasha quny 12,3 mln teńgege jetken. Meiramhana 200 orynǵa eseptelgen.
Al Almatyda resmi statistika jańa meiramhanalar ashylǵanyn tirkemegen.
Kafeler de rekord ornatýda
Meiramhanalarmen qatar, kafeler sany da rekord jańartty. Toǵyz aida elde 68 jańa kafe paidalanýǵa berilgen — bul sońǵy alty jyldaǵy eń joǵary kórsetkish. Olarda 4,9 myń oryn bar, al jalpy investitsiia kólemi 11,7 mlrd teńgeni qurady.
Jalpy kórsetkishter
2025 jyldyń basyndaǵy málimet boiynsha, Qazaqstanda barlyǵy:
- 2,4 myń meiramhana – 339,1 myń orynǵa;
- 5,2 myń kafe – 293,4 myń orynǵa qyzmet kórsetýde.
Eske sala ketsek, bul derekter zańdy tulǵalardyń BNS ASPiR RK-ǵa jáne jeke kásipkerlerdiń jergilikti atqarýshy organdarǵa tapsyrǵan esepteri negizinde jinaqtalǵan.
