Óńirde halyq densaýlyǵynyń jaqsarýyna aýyl-aýdandarda jańadan boı kótergen emdeý mekemeleriniń qosyp otyrǵan úlesi zor. Ótken jyly oblysta búdjet esebinen 33 nysan salyndy. Atap aıtsaq, oblystyq onkologıalyq dıspanseriniń korpýsy, 1 aýdandyq emhana, 7 dárigerlik ambýlatorıa, 18 feldsherlik-akýsherlik jáne 5 medısınalyq pýnkt paıdalanýǵa berilgen bolatyn. Sonymen qatar oblystyq búdjet esebinen 20 dana qurastyrmaly-qańqaly modýldik konstrýksıa ádisimen salynǵan medısınalyq tirekter satyp alynǵan bolatyn. Al 2018 jyly 67 medısınalyq tirek satyp alý josparlanǵan.
500 adamdyq Aqsýkent, Jetisaı jáne Kentaý qalalyq emhanalarynyń qurylysy aıaqatalyp, 250 naýqasqa shaqtalǵan Maqtaral aýdandyq Myrzakent emhanasynyń iske qosylǵanyn jergilikti halyq úshin aıtýly oqıǵa dep aıtýǵa bolady. Memlekettik-jekemenshik áriptestik aıasynda Birkólik, Aqsý-Jabaǵyly sanatorııleri senimgerlik basqarýǵa berilýi de medısına salasynyń jańa sapaǵa ótýine yqpal etti.
Sonymen qatar sıfrlandyrý baǵdarlmasy aıasynda oblystaǵy medısınalyq uıymǵa elektrondyq kezek tablosy ornatylýda. Shuǵyl áreket etý maqsatynda SOS júıeleri 17 medısınalyq uıymǵa engizildi. Bul baǵdarlama pasıenttiń, posttaǵy meıirbıkeniń, kezekshi dárigerdiń qajetti mamandy 1 mınýt ishinde shuǵyl shaqyryp alýyna múmkindik beredi.
Bıyldan bastap oblystaǵy barlyq medısınalyq uıym keshendi aqparattyq júıege qosyldy. Óńirde emhana, aýrýhana jáne jedel medısınalyq kómek qyzmetiniń biriktirilgen aqparattyq júıesi, biryńǵaı sıtýasıalyq ortalyqpen tabysty jumys istep keledi.
Túrkistan oblysy ákiminiń baspasóz qyzmeti
