وڭىردە حالىق دەنساۋلىعىنىڭ جاقسارۋىنا اۋىل-اۋدانداردا جاڭادان بوي كوتەرگەن ەمدەۋ مەكەمەلەرىنىڭ قوسىپ وتىرعان ۇلەسى زور. وتكەن جىلى وبلىستا بيۋدجەت ەسەبىنەن 33 نىسان سالىندى. اتاپ ايتساق، وبلىستىق ونكولوگيالىق ديسپانسەرىنىڭ كورپۋسى، 1 اۋداندىق ەمحانا، 7 دارىگەرلىك امبۋلاتوريا، 18 فەلدشەرلىك-اكۋشەرلىك جانە 5 مەديسينالىق پۋنكت پايدالانۋعا بەرىلگەن بولاتىن. سونىمەن قاتار وبلىستىق بيۋدجەت ەسەبىنەن 20 دانا قۇراستىرمالى-قاڭقالى مودۋلدىك كونسترۋكسيا ادىسىمەن سالىنعان مەديسينالىق تىرەكتەر ساتىپ الىنعان بولاتىن. ال 2018 جىلى 67 مەديسينالىق تىرەك ساتىپ الۋ جوسپارلانعان.
500 ادامدىق اقسۋكەنت، جەتىساي جانە كەنتاۋ قالالىق ەمحانالارىنىڭ قۇرىلىسى اياقاتالىپ، 250 ناۋقاسقا شاقتالعان ماقتارال اۋداندىق مىرزاكەنت ەمحاناسىنىڭ ىسكە قوسىلعانىن جەرگىلىكتى حالىق ءۇشىن ايتۋلى وقيعا دەپ ايتۋعا بولادى. مەملەكەتتىك-جەكەمەنشىك ارىپتەستىك اياسىندا بىركولىك، اقسۋ-جاباعىلى ساناتورييلەرى سەنىمگەرلىك باسقارۋعا بەرىلۋى دە مەديسينا سالاسىنىڭ جاڭا ساپاعا وتۋىنە ىقپال ەتتى.
سونىمەن قاتار سيفرلاندىرۋ باعدارلماسى اياسىندا وبلىستاعى مەديسينالىق ۇيىمعا ەلەكتروندىق كەزەك تابلوسى ورناتىلۋدا. شۇعىل ارەكەت ەتۋ ماقساتىندا SOS جۇيەلەرى 17 مەديسينالىق ۇيىمعا ەنگىزىلدى. بۇل باعدارلاما پاسيەنتتىڭ، پوستتاعى مەيىربيكەنىڭ، كەزەكشى دارىگەردىڭ قاجەتتى ماماندى 1 مينۋت ىشىندە شۇعىل شاقىرىپ الۋىنا مۇمكىندىك بەرەدى.
بيىلدان باستاپ وبلىستاعى بارلىق مەديسينالىق ۇيىم كەشەندى اقپاراتتىق جۇيەگە قوسىلدى. وڭىردە ەمحانا، اۋرۋحانا جانە جەدەل مەديسينالىق كومەك قىزمەتىنىڭ بىرىكتىرىلگەن اقپاراتتىق جۇيەسى، ءبىرىڭعاي سيتۋاسيالىق ورتالىقپەن تابىستى جۇمىس ىستەپ كەلەدى.
تۇركىستان وبلىسى اكىمىنىڭ باسپا ءسوز قىزمەتى
