Shardara qalasy mańynan taǵy bir sýqoima salyp, artyq sýdy qumǵa jiberý arqyly jaiylym jerge ainaldyrý qajet.
Sondai-aq, Túrkistan qalasynyń oblys ortalyǵy bolýyna orai sý qajettiligi artady.
Osyǵan bailanysty Syrdariia ózeni boiynan jańa sýqoima salý boiynsha qujattardy ázirlep, QR Aýyl sharýashylyǵy ministrligine joldaýymyz tiis. Bul týraly Túrkistan oblysynyń ákimi Janseiit Túimebaev oblys ákimdiginde ótken jiynda málimdedi.
Sondai-aq, májiliste Túrkistan oblysynyń tótenshe jaǵdailar departamentiniń bastyǵy N.Júnisov sýqoimalardyń qaýipsizdigi qadaǵalanyp otyrǵandyǵyn jetkizip, 2018-2019 jyldardyń qysqy kezeńin qaýipsiz ótkizý maqsatynda bolýy múmkin tótenshe jaǵdailardy joiýǵa arnalǵan jumystar ázirlengendigin aitty.
«Oblys aýmaǵynda qys mezgili jyl saiyn avtomobil joldarynda kúrdeli bolyp ótedi. Osy asýlardyń respýblikalyq mańyzy joldarynda 7, oblystyq mańyzy bar joldarda 4 jylytý beketteri ornalasqan. Oblystyq Azamattyq qorǵaýdyń avariialyq jáne shuǵyl qyzmetteri arasyndaǵy ózara aqparattyq is-qimylyn retteitin qujattarǵa túzetýler engizilip, pysyqtaldy», — dedi Nurǵali Júnisov.
