Almaty oblysynda itterge arnalǵan panajai iesiniń ólimine qatysty qylmystyq is qozǵaldy, dep habarlaidy dalanews.kz.
"Tvardovskii dom" iesiniń ólimine bailanysty tergeý júrgizilip jatyr. Buǵan deiin BAQ-ta onyń birneshe oq jaraqatynan qaza tapqany týraly aqparat tarady. Politsiia departamenti basshylyǵy istiń barysyn erekshe baqylaýǵa alǵan.
Oblystyq Politsiia departamenti er adam óltirilgenin rastady. Vedomstvo málimetinshe, 7 qazanda kisi óltirý deregi boiynsha qylmystyq is qozǵalǵan. Qazir kúdiktilerdi ustaýǵa baǵyttalǵan tergeý jáne jedel izdestirý is-sharalary júrgizilip jatyr. Oqiǵanyń barlyq mán-jaiy anyqtalady.
Er adamnyń óliminen keiin onyń panajaiyndaǵy 90-ǵa jýyq it panasyz qalǵan. Áleýmettik jelide taraǵan aqparatqa sáikes itter dalada, qorshaýsyz, kútimsiz qalǵan.
