Алматы облысында иттерге арналған панажай иесінің өліміне қатысты қылмыстық іс қозғалды, деп хабарлайды dalanews.kz.
"Твардовский дом" иесінің өліміне байланысты тергеу жүргізіліп жатыр. Бұған дейін БАҚ-та оның бірнеше оқ жарақатынан қаза тапқаны туралы ақпарат тарады. Полиция департаменті басшылығы істің барысын ерекше бақылауға алған.
Облыстық Полиция департаменті ер адам өлтірілгенін растады. Ведомство мәліметінше, 7 қазанда кісі өлтіру дерегі бойынша қылмыстық іс қозғалған. Қазір күдіктілерді ұстауға бағытталған тергеу және жедел іздестіру іс-шаралары жүргізіліп жатыр. Оқиғаның барлық мән-жайы анықталады.
Ер адамның өлімінен кейін оның панажайындағы 90-ға жуық ит панасыз қалған. Әлеуметтік желіде тараған ақпаратқа сәйкес иттер далада, қоршаусыз, күтімсіз қалған.
