شاردارا قالاسى ماڭىنان تاعى ءبىر سۋقويما سالىپ، ارتىق سۋدى قۇمعا جىبەرۋ ارقىلى جايىلىم جەرگە اينالدىرۋ قاجەت.
سونداي-اق، تۇركىستان قالاسىنىڭ وبلىس ورتالىعى بولۋىنا وراي سۋ قاجەتتىلىگى ارتادى.
وسىعان بايلانىستى سىرداريا وزەنى بويىنان جاڭا سۋقويما سالۋ بويىنشا قۇجاتتاردى ازىرلەپ، ق ر اۋىل شارۋاشىلىعى مينيسترلىگىنە جولداۋىمىز ءتيىس. بۇل تۋرالى تۇركىستان وبلىسىنىڭ اكىمى جانسەيىت تۇيمەبايەۆ وبلىس اكىمدىگىندە وتكەن جيىندا مالىمدەدى.
سونداي-اق، ماجىلىستە تۇركىستان وبلىسىنىڭ توتەنشە جاعدايلار دەپارتامەنتىنىڭ باستىعى ن.ءجۇنىسوۆ سۋقويمالاردىڭ قاۋىپسىزدىگى قاداعالانىپ وتىرعاندىعىن جەتكىزىپ، 2018-2019 جىلداردىڭ قىسقى كەزەڭىن ءقاۋىپسىز وتكىزۋ ماقساتىندا بولۋى مۇمكىن توتەنشە جاعدايلاردى جويۋعا ارنالعان جۇمىستار ازىرلەنگەندىگىن ايتتى.
«وبلىس اۋماعىندا قىس مەزگىلى جىل سايىن اۆتوموبيل جولدارىندا كۇردەلى بولىپ وتەدى. وسى اسۋلاردىڭ رەسپۋبليكالىق ماڭىزى جولدارىندا 7، وبلىستىق ماڭىزى بار جولداردا 4 جىلىتۋ بەكەتتەرى ورنالاسقان. وبلىستىق ازاماتتىق قورعاۋدىڭ اۆاريالىق جانە شۇعىل قىزمەتتەرى اراسىنداعى ءوزارا اقپاراتتىق ءىس-قيمىلىن رەتتەيتىن قۇجاتتارعا تۇزەتۋلەر ەنگىزىلىپ، پىسىقتالدى»، — دەدى نۇرعالي ءجۇنىسوۆ.
