تٷركٸستان وبلىسىنىڭ ماقتاارال اۋدانىندا 59 جاستاعى ەيەل تەلەفون الاياقتارىنىڭ قۇربانى بولا جازدادى. قاسكٶيلەر ونىڭ اتىنا 5 ملن تەڭگە نەسيە رەسٸمدەپ, اقشانى ٶزدەرٸنە اۋدارتۋعا تىرىسقان, دەپ حابارلايدى dalanews.kz.
الاياقتار الدىمەن ەيەلگە تەلەفون سوعىپ, تۋىستارىنا پوشتا ارقىلى سىيلىق كەلگەنٸن ايتقان. كەيٸن سەنٸمٸنە كٸرٸپ, ۇيالى تەلەفونىنا كەلگەن راستاۋ كودىن سۇراپ العان. وسىدان سوڭ ەيەلدٸڭ اتىنا 5 ملن تەڭگە نەسيە رەسٸمدەلگەن. قاسكٶيلەر ونى اقشانى ٶزدەرٸنە اۋدارۋعا كٶندٸرمەك بولعان.
الايدا بانك تەرمينالىنىڭ جانىندا كٷمەندٸ قارجىلىق وپەراتسييا جاساپ تۇرعان ەيەلدٸ پوليتسييا قىزمەتكەرٸ بايقاپ قالعان. ول جاعدايدى انىقتاپ, ەيەلدٸڭ الاياقتاردىڭ ارباۋىنا تٷسكەنٸن تٷسٸندٸردٸ. نەتيجەسٸندە قارجىلىق وپەراتسييانى توقتاتۋعا كٶمەكتەستٸ.
ايتا كەتەيٸك, كٷنٸ كەشە تالدىقورعان قالاسىندا دا وسىعان ۇقساس جاعداي بولعان. تالدىقورعاندىق زەينەتكەر ەيەل تەلەفون الاياقتارىنا الدانىپ, 3,5 ملن تەڭگەسٸن اۋدارىپ جٸبەرگەن. قاسكٶيلەر ودان تاعى 2 ملن تەڭگە اۋدارۋدى تالاپ ەتكەن كەزدە جەرگٸلٸكتٸ تۇرعىندار ارالاسىپ, ەيەلدٸ الاياقتاردىڭ ارباۋىنا تٷسكەنٸنە سەندٸرٸپ, ەرەكەتٸن توقتاتۋعا كٶمەكتەسكەن.
وقيعا كەزٸندە ٶزٸن زەينەتكەردٸڭ بالاسى رەتٸندە تانىستىرعان ەر ادام ەيەلدٸ «ماما» دەپ اتاعان. ال تۇرعىندار كٷمەندٸ جاعدايعا ارالاسا باستاعاندا, ول اشۋعا مٸنٸپ, ولاردىڭ بٸرٸنە قارسى شىققان.
«سەن كٸمسٸڭ? تەلەفونعا نەگە قولىڭدى سوزىپ جاتىرسىڭ?» – دەگەن ول ەر ادامداردىڭ بٸرٸنە.
وقيعا كۋەگەرلەرٸ بولعان جايتتى ۆيدەوعا تٷسٸرٸپ العان. تالدىقورعان قالالىق پوليتسييا دەپارتامەنتٸ تۇرعىننىڭ ارىزى نەگٸزٸندە الاياقتىق فاكتٸسٸ بويىنشا قىلمىستىق ٸس قوزعالعانىن راستادى. قازٸر تەرگەۋ جٷرگٸزٸلٸپ جاتىر.
پوليتسييا ازاماتتارعا بەلگٸسٸز ادامداردىڭ تەلەفون ارقىلى بەرگەن نۇسقاۋلارىن ورىنداماۋعا جەنە اقشانى «قاۋٸپسٸز شوتتارعا» اۋدارماۋعا كەڭەس بەرەدٸ. كٷدٸكتٸ قوڭىراۋلار تٷسكەن جاعدايدا 102 نٶمٸرٸنە حابارلاسۋ قاجەت.
