Kamerýnda 92 jastaǵy Pol Biiia eldi basqarýǵa segizinshi merzimge qaita sailandy. Ol - álemdegi eń qart memleket basshysy. Mundai sheshim eldiń Konstitýtsiialyq soty jariialaǵan resmi sailaý qorytyndysynda kórsetilgen, dep habarlaidy Dalanews.kz.
Sailaý nátijesi boiynsha Pol Biiia 53,66 paiyz daýys jinady. Ol Kamerýndy 1982 jyldan beri úzdiksiz basqaryp keledi. Bul - onyń biliktegi qyryq úshinshi jyly jáne segizinshi prezidenttik merzimi bolmaq.
12 qazanda ótken sailaýdyń túpkilikti qorytyndysyn Konstitýtsiialyq sot dúisenbi kúni jariialady. Zań boiynsha sotqa nátijeni bekitýge 15 kún ýaqyt berilgen. Eldiń Ortalyq sailaý komissiiasy daýys berý protsesi tynysh ári turaqty jaǵdaida ótkenin habarlady.
Aita ketsek, sailaý aldyndaǵy úgit-nasihat naýqany kezinde Pol Biiia bar bolǵany bir miting ótkizgen. Al naýqannyń on kúnin Eýropada, jeke saparmen ótkizgen.
