كامەرۋندا 92 جاستاعى پول بيييا ەلدى باسقارۋعا سەگىزىنشى مەرزىمگە قايتا سايلاندى. ول - الەمدەگى ەڭ قارت مەملەكەت باسشىسى. مۇنداي شەشىم ەلدىڭ كونستيتۋسيالىق سوتى جاريالاعان رەسمي سايلاۋ قورىتىندىسىندا كورسەتىلگەن، دەپ حابارلايدى Dalanews.kz.
سايلاۋ ناتيجەسى بويىنشا پول بيييا 53،66 پايىز داۋىس جينادى. ول كامەرۋندى 1982 جىلدان بەرى ۇزدىكسىز باسقارىپ كەلەدى. بۇل - ونىڭ بيلىكتەگى قىرىق ءۇشىنشى جىلى جانە سەگىزىنشى پرەزيدەنتتىك مەرزىمى بولماق.
12 قازاندا وتكەن سايلاۋدىڭ تۇپكىلىكتى قورىتىندىسىن كونستيتۋسيالىق سوت دۇيسەنبى كۇنى جاريالادى. زاڭ بويىنشا سوتقا ناتيجەنى بەكىتۋگە 15 كۇن ۋاقىت بەرىلگەن. ەلدىڭ ورتالىق سايلاۋ كوميسسياسى داۋىس بەرۋ پروسەسى تىنىش ءارى تۇراقتى جاعدايدا وتكەنىن حابارلادى.
ايتا كەتسەك، سايلاۋ الدىنداعى ۇگىت-ناسيحات ناۋقانى كەزىندە پول بيييا بار بولعانى ءبىر ميتينگ وتكىزگەن. ال ناۋقاننىڭ ون كۇنىن ەۋروپادا، جەكە ساپارمەن وتكىزگەن.
