28 qazanda Talǵar aýdandyq sotynda «Hýtorskie» uiymdasqan qylmystyq tobynyń jetekshisi dep atalatyn Hasan Qasymbaevqa qatysty qylmystyq is boiynsha taraptardyń jaryssózi ótti, dep habarlaidy Dalanews.kz.
Qasymbaevqa úsh bap boiynsha aiyp taǵylǵan: adam urlaý, densaýlyqqa qasaqana aýyr ziian keltirý jáne zorlyqpen aqsha talap etý.
Onymen birge sot aldynda taǵy bes adam jaýap berip jatyr. Is boiynsha eki jábirlenýshi bar: aralas jekpe-jek sheberi ári jattyqtyrýshy Arman Álimov jáne kásipker Aripjan Tajiev.
Hasan Qasymbaev 2024 jyldyń 2 qarashasynda ustalǵan bolatyn.
28 qazanda prokýror Erlan Qulanbaev sotta Qasymbaevty 15 jylǵa bas bostandyǵynan aiyrýdy surady. Bul týraly aiyptalýshynyń advokaty Gúlmira Babajanova redaktsiia tilshisine habarlaǵan.
"Biz aiyptaýmen tolyq kelispeimiz. Qorǵaý taraby bizdiń qorǵaýymyzdaǵy azamatty aqtaýdy talap etedi, sebebi eki epizod boiynsha jábirlenýshiniń óz sózinen basqa eshqandai dálel joq", – dedi advokat.
