28 قازاندا تالعار اۋداندىق سوتىندا «حۋتورسكيە» ۇيىمداسقان قىلمىستىق توبىنىڭ جەتەكشٸسٸ دەپ اتالاتىن حاسان قاسىمباەۆقا قاتىستى قىلمىستىق ٸس بويىنشا تاراپتاردىڭ جارىسسٶزٸ ٶتتٸ, دەپ حابارلايدى Dalanews.kz.
قاسىمباەۆقا ٷش باپ بويىنشا ايىپ تاعىلعان: ادام ۇرلاۋ, دەنساۋلىققا قاساقانا اۋىر زييان كەلتٸرۋ جەنە زورلىقپەن اقشا تالاپ ەتۋ.
ونىمەن بٸرگە سوت الدىندا تاعى بەس ادام جاۋاپ بەرٸپ جاتىر. ٸس بويىنشا ەكٸ جەبٸرلەنۋشٸ بار: ارالاس جەكپە-جەك شەبەرٸ ەرٸ جاتتىقتىرۋشى ارمان ەلٸموۆ جەنە كەسٸپكەر اريپجان تاجيەۆ.
حاسان قاسىمباەۆ 2024 جىلدىڭ 2 قاراشاسىندا ۇستالعان بولاتىن.
28 قازاندا پروكۋرور ەرلان قۇلانباەۆ سوتتا قاسىمباەۆتى 15 جىلعا باس بوستاندىعىنان ايىرۋدى سۇرادى. بۇل تۋرالى ايىپتالۋشىنىڭ ادۆوكاتى گٷلميرا باباجانوۆا رەداكتسييا تٸلشٸسٸنە حابارلاعان.
"بٸز ايىپتاۋمەن تولىق كەلٸسپەيمٸز. قورعاۋ تارابى بٸزدٸڭ قورعاۋىمىزداعى ازاماتتى اقتاۋدى تالاپ ەتەدٸ, سەبەبٸ ەكٸ ەپيزود بويىنشا جەبٸرلەنۋشٸنٸڭ ٶز سٶزٸنەن باسقا ەشقانداي دەلەل جوق", – دەدٸ ادۆوكات.
