"Qazgidromet" RMK 29 qazanǵa arnalǵan aýa raiy boljamyn usyndy, dep habarlaidy Dalanews.kz.
Sinoptikterdiń málimeti boiynsha, Qazaqstannyń soltústik jáne ortalyq óńirlerinde jaýyn-shashynsyz aýa raiy kútiledi. Aqmola, Qostanai, Soltústik Qazaqstan, Pavlodar, Qaraǵandy jáne Ulytaý oblystarynda túnde temperatýra -2…-8°S deiin tómendeidi, kei jerlerde tuman túsedi. Kúndiz aýa +8…+15°S deiin jylynady. Astanada bul kúni jaýyn-shashynsyz aýa, kúndiz +11…+13°S bolady.
Eldiń ońtústiginde jaýyn-shashyn saqtalady. Túrkistan oblysynyń taýly aimaqtarynda jańbyr men naizaǵai kútiledi, túnde +7…+12°S, kúndiz +19…+24°S. Jambyl oblysynyń taýly jerlerinde de jańbyr jaýyp, naizaǵai oinaidy. Shymkentte aýa temperatýrasy kúndiz +19…+21°S shamasynda, keshke tuman túsýi múmkin.
Almaty, Jetisý jáne Almaty oblystarynda da jaýyn-shashyn bolady. Tańerteń jáne kúndiz azdaǵan jańbyr jaýady, aýa temperatýrasy +15…+18°S. Jetisý oblysynyń taýly aimaqtarynda túnde jańbyr men qar túsýi múmkin, kúndiz +14…+19°S. Taldyqorǵanda túnde +3…+5°S, kúndiz +17…+19°S jyly bolady.
Batys óńirlerde aýa raiy qubylmaly. Batys Qazaqstan oblysynda jańbyr jaýyp, kei jerlerde tuman túsedi, kúndiz +10…+15°S. Atyraý oblysynda jaýyn-shashyn bolmaidy, kúndiz aýa +16…+18°S bolady. Mańǵystaýda jaýyn-shashynsyz aýa, jel kúsheiedi, temperatýra +18…+20°S. Aqtóbe oblysynda da jaýynsyz aýa saqtalyp, kúndiz +13…+15°S bolady.
