Jartylai aýyr salmaq dárejesindegi burynǵy álem chempiony Jan Paskal qazaqtyń dańqty boksshysy Gennadii Golovkin (42-2-1, 37 KO) ringke qaita oralýy múmkin ekenin aitty, dep habarlaidy Dalanews.kz Sportinside.kz arnasyna siltep.
Bir ai buryn Golovkinniń boksqa qaita oralýy týraly qaýeset taraǵan edi. 43 jastaǵy boksshy sońǵy ret 2022 jyly qyrkúiekte Saýl "Kanelo" Alvarespen ótken jekpe-jeginde jeńilis tapqannan beri ringke shyqqan joq. Sol kezde ol óz pikirin bildirip:
"Nege qaita sharshy alańǵa shyqpasqa? Emotsionaldy turǵyda ózimdi burynǵydai sezinemin…" – dep jaýap bergen bolatyn.
Alaida Paskal bul sporttyq ambitsiiamen emes, qarjylyq sebeppen bolatynyn aitady:
"Men ony óte qurmetteimin, ol – ańyz. Biraq tórt jyl boiy ringten tys bolý – joǵary deńgeidegi boks úshin óte uzaq ýaqyt. Reflekster, taiming, ishki ot – bári álsireidi. Eger ol qaita oralsa, bul tek úlken gonorar úshin bolmaq. Ol óziniń myqtylyǵyn áldeqashan dáleldedi", – dedi Paskal.
