جارتىلاي اۋىر سالماق دەرەجەسٸندەگٸ بۇرىنعى ەلەم چەمپيونى جان پاسكال قازاقتىڭ داڭقتى بوكسشىسى گەنناديي گولوۆكين (42-2-1, 37 كو) رينگكە قايتا ورالۋى مٷمكٸن ەكەنٸن ايتتى, دەپ حابارلايدى Dalanews.kz Sportinside.kz ارناسىنا سٸلتەپ.
بٸر اي بۇرىن گولوۆكيننٸڭ بوكسقا قايتا ورالۋى تۋرالى قاۋەسەت تاراعان ەدٸ. 43 جاستاعى بوكسشى سوڭعى رەت 2022 جىلى قىركٷيەكتە ساۋل "كانەلو" الۆارەسپەن ٶتكەن جەكپە-جەگٸندە جەڭٸلٸس تاپقاننان بەرٸ رينگكە شىققان جوق. سول كەزدە ول ٶز پٸكٸرٸن بٸلدٸرٸپ:
"نەگە قايتا شارشى الاڭعا شىقپاسقا? ەموتسيونالدى تۇرعىدا ٶزٸمدٸ بۇرىنعىداي سەزٸنەمٸن…" – دەپ جاۋاپ بەرگەن بولاتىن.
الايدا پاسكال بۇل سپورتتىق امبيتسييامەن ەمەس, قارجىلىق سەبەپپەن بولاتىنىن ايتادى:
"مەن ونى ٶتە قۇرمەتتەيمٸن, ول – اڭىز. بٸراق تٶرت جىل بويى رينگتەن تىس بولۋ – جوعارى دەڭگەيدەگٸ بوكس ٷشٸن ٶتە ۇزاق ۋاقىت. رەفلەكستەر, تايمينگ, ٸشكٸ وت – بەرٸ ەلسٸرەيدٸ. ەگەر ول قايتا ورالسا, بۇل تەك ٷلكەن گونورار ٷشٸن بولماق. ول ٶزٸنٸڭ مىقتىلىعىن ەلدەقاشان دەلەلدەدٸ", – دەدٸ پاسكال.
