Almatynyń arnaiy prokýrorlary asa iri kólemdegi esirtki kontrabandasy boiynsha sotaldy tergep-tekserýdi aiaqtady, dep habarlaidy Dalanews.kz
Tergeý barysynda jazasyn penitentsiarlyq mekemede ótep jatqan sottalǵan adam Amerika Qurama Shtattarynan Almatyǵa esirtki - marihýana men kannabis syǵyndysy salynǵan sálemdemelerdi jetkizý arnasyn uiymdastyrǵany anyqtaldy.
"Qylmystyq áreketke uiymdastyrýshylar, kýratorlar, qamqorshylar, dropperler, jasyryn belgileýshiler jáne ólshep oraýshylar tartylǵan. Jedel is-sharalar nátijesinde "Jetisý" keden beketinde salmaǵy 43 keli bolatyn marihýana men kannabis syǵyndysy salynǵan 25 sálemdeme tárkilendi. Olar is boiynsha zattai dálelder dep tanyldy", - dep jazylǵan habarlamada.
20 kúdikti, sonyń ishinde ulttyq qaýipsizdik organynyń 2 qyzmetkeri jáne qylmystyq toptyń qyzmetine qamqorlyq kórsetken QR IIM QAJK-niń 3 qyzmetkeri ustalǵan.
"Is boiynsha aiyptalýshylarǵa esirtki zattaryn kontrabandalaǵany jáne satqany, sondai-aq, laýazymdyq qylmystar úshin boiynsha aiyp taǵyldy. Sot sanktsiiasymen 5 páterge, 3 qurylysqa, 10 jer ýchaskesine jáne 44 kólikke tyiym salyndy", - dep jazylǵan habarlamada.
Qylmystyq is Qylmystyq ister jónindegi mamandandyrylǵan aýdanaralyq sotyna joldandy.
