Almatyda tarihi nysan - ippodrom buzylyp, ornyna turǵyn úi salynýy múmkin degen aqparat tarady. Buǵan qatysty "Tengri Invest" JShS jáne ákimdik resmi málimdeme jasady, dep habarlaidy Dalanews.kz.
Birqatar buqaralyq aqparat quraly men áleýmettik jelilerde Almaty ippodromynyń aýmaǵynda turǵyn úi kesheni salynady degen aqparattyń taralýyna bailanysty "Tengri Invest" JShS resmi túrde bul málimetterdiń shyndyqqa janaspaitynyn habarlady.
"Tarihi ippodrom aýmaǵynda eshqandai qurylys jumystary júrgizilip jatqan joq, sondai-aq turǵyn úi nemese kommertsiialyq nysandar salý jospary da joq. Ippodrom burynǵydai jumys istep tur, onda at sporty jarystary ótkizilip, ulttyq sport túrlerin damytý isi jalǵasyp keledi", – dedi "Tengri Invest" JShS direktory Erjan Mailybaev.
Almaty qalasy ákimdigi de bul aqparattyń negizsiz ekenin rastady.
"Egjei-tegjeili josparlaý jobasyna sáikes, atalǵan aýmaq ippodrom retinde bekitilgen, al ony buzý jóninde eshqandai ruqsat berilgen joq", - dep habarlady ákimdik.
Almaty ippodromy – tarihy tereń ári mádeni mańyzy zor nysan bolyp qala beredi. Munda dástúrli túrde elimizdegi at sporty men ulttyq mádenietti nasihattaýǵa baǵyttalǵan iri sporttyq jáne qoǵamdyq is-sharalar ótkizilip keledi.
Aita keteiik, bul máseleni jýrnalist Nurseiit Jylqyshybai kótergen bolatyn.
"Almatyda 1930 jyly salynǵan tarihi ippodrom bireýlerdiń kóz qurtyna ainalypty. 40 gektardan astam jer qyp-qyzyl aqsha ǵoi. Soǵan tarsyldatyp turǵyn úi salmaqshy. Sonda tarihi nysannyń quny kók tiyn ba?", - degen edi jýrnalist.
