Shymkentte altyn arqyly «ońai tabys» ýáde etken Nazira Gold qarjy piramidasynyń isi boiynsha sot úkimi shyqty. Kompaniia salymshylarǵa ai saiyn 21–41% kóleminde paida túsip otyrady dep sendirgen. Nátijesinde, jyldam baiyǵysy kelgen azamattar qarjy piramidasyna 1 milliardtan astam aqsha salyp jibergen, dep habarlaidy Dalanews.kz.
Piramidanyń negizin qalaýshy Nazira Nurjan men onyń segiz sybailasyna qatysty qylmystyq is qaralyp, barlyǵyna naqty merzim berildi. Alaida olardyń basym bóligi ázirge úilerine qaitarylady.
Nazira Nurjanǵa iri kólemdegi alaiaqtyq jasaý, iri kólemdegi qarjy tarta otyryp, qarjy piramidasyn qurý, sondai-aq qylmystyq jolmen alynǵan múlikti zańdastyrý baptary boiynsha aiyp taǵyldy. Qalǵan jeti adamǵa qarjy piramidasyn uiymdastyrýǵa járdemdesti degen aiyp taǵylǵan. Piramidaǵa salynǵan jalpy soma - 16 mlrd teńge.
Nazira Gold eki jyldan sál astam ýaqytta qurylyp, qatysýshylarǵa 5 ai boiy ai saiyn 21%-dan 41%-ǵa deiin paida túsedi, al sodan keiin salym tolyq qaitarylady dep ýáde bergen. Osy ýádemen Nazira 1,2 mlrd teńgeden astam qarajat jinaǵan.
Túsken aqshany ol jer, úi, kólik pen altyn satyp alýǵa jumsaǵan. Sondai-aq, Nazira óz «altyn komandasymen» maqtanǵan – bul jańa salymshylardy tartýmen, jarnama júrgizýmen jáne qarjy jinaýmen ainalysqan kómekshiler toby bolǵan.
Halyqstan málimetinshe, sotta aiyptalýshylardyń kópshiligi (kóbi – áielder) kinásin ishinara moiyndap, bostandyqtan aiyrmaityn jaza berýdi surady.
"Jaza taǵaiyndaý kezinde sot 7 aiyptalýshynyń kámeletke tolmaǵan balalary bar ekenin, taǵy biriniń kinásin moiyndaǵanyn jáne taǵy bir áieldiń zeinet jasynda ekenin eskerdi", – dep habarlady Shymkent qalalyq sotynyń baspasóz qyzmeti.
Úkim
- Nazira Nurjan 10 jylǵa bas bostandyǵynan aiyryldy, múlki tárkilenedi. Biraq kishkentai balasy bar bolǵandyqtan, jazany óteý bir jylǵa shegerildi.
- Taǵy bes áiel – árqaisysy 5 jylǵa sottaldy, biraq jazany óteý 3 jylǵa keiinge qaldyryldy.
- Eki er adam – árqaisysy 5 jylǵa túrme jazasyn aldy (shegerimsiz).
- Taǵy bir áieldiń jasy men densaýlyǵy eskerilip, ol 1 jylǵa bas bostandyǵyn shekteý jazasyna kesildi.
Zardap shekkenderdiń azamattyq talaptary ishinara qanaǵattandyryldy – olarǵa keltirilgen ziiannyń bir bóligi ǵana óteledi.
