Memleket basshysy Túrkiia Prezidentine quttyqtaý jedelhatyn joldady, dep habarlaidy Dalanews.kz.
Qasym-Jomart Toqaev Rejep Taiip Erdoǵandy jáne baýyrlas túrik halqyn Túrkiianyń ulttyq meiramy – Respýblika kúnimen quttyqtady.
Prezident biyl Túrkiiaǵa jasaǵan resmi sapary aiasynda Rejep Taiip Erdoǵanmen mazmundy kelissózder júrgizgenin atap ótip, Ankarada qol jetkizilgen ýaǵdalastyqtar men mańyzdy bastamalar eki el arasyndaǵy strategiialyq seriktestikti odan ári nyǵaitýǵa zor serpin beretinine senim bildirdi.
Qasym-Jomart Toqaev Rejep Taiip Erdoǵannyń jaýapty qyzmetine tolaǵai tabys, al baýyrlas Túrkiia halqyna qut-bereke tiledi.
