Q.Sátbaev atyndaǵy himiia páninen olimpiada biyl alǵash ret halyqaralyq deńgeide uiymdastyrylyp otyr, dep habarlaidy Dalanews.kz Oqý-aǵartý ministrliginiń baspasóz qyzmetine silteme jasap.
Halyqaralyq himiia olimpiadasy Ulytaý oblysynda 27 qazan men 1 qarasha aralyǵynda ótýde. Oǵan biylǵy jyly 100-den astam Qazaqstan, Qyrǵyzstan jáne Resei memleketteriniń bilim alýshylary qatysyp jatyr.
Qanysh Sátbaev atyndaǵy halyqaralyq himiia olimpiadasy 9–11 (12) synyp oqýshylarynyń arasynda teoriialyq jáne praktikalyq eki kezeńde ótedi.
«Olimpiada – oqýshylardyń ǵylymǵa degen qyzyǵýshylyǵyn arttyryp, olardyń shyǵarmashylyq áleýetin damytýǵa úlken múmkindik beredi. Olimpiadaǵa qatysýshylar men qyzyǵýshylyq tanytýshylardyń qatary jyldan jylǵa artyp keledi. Biylǵy jyly olimpiadaǵa halyqaralyq statýs berildi», – deidi Orta bilim komiteti tóraǵasynyń orynbasary Áliia Chokýsheva.
Baiqaýdy QR Oqý-aǵartý ministrliginiń qoldaýymen «Daryn» respýblikalyq ǵylymi-praktikalyq ortalyǵy, Ulytaý oblysynyń bilim basqarmasy jáne The Ulytau Educational Foundation qory birlesip uiymdastyrýda.
Onyń qorytyndysynda úzdik oqýshylar halyqaralyq deńgeidegi diplomdarmen jáne arnaiy syilyqtarmen marapattalady.
