ق.ساتبايەۆ اتىنداعى حيميا پانىنەن وليمپيادا بيىل العاش رەت حالىقارالىق دەڭگەيدە ۇيىمداستىرىلىپ وتىر، دەپ حابارلايدى Dalanews.kz وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
حالىقارالىق حيميا وليمپياداسى ۇلىتاۋ وبلىسىندا 27 قازان مەن 1 قاراشا ارالىعىندا وتۋدە. وعان بيىلعى جىلى 100-دەن استام قازاقستان، قىرعىزستان جانە رەسەي مەملەكەتتەرىنىڭ ءبىلىم الۋشىلارى قاتىسىپ جاتىر.
قانىش ساتبايەۆ اتىنداعى حالىقارالىق حيميا وليمپياداسى 9–11 (12) سىنىپ وقۋشىلارىنىڭ اراسىندا تەوريالىق جانە پراكتيكالىق ەكى كەزەڭدە وتەدى.
«وليمپيادا – وقۋشىلاردىڭ عىلىمعا دەگەن قىزىعۋشىلىعىن ارتتىرىپ، ولاردىڭ شىعارماشىلىق الەۋەتىن دامىتۋعا ۇلكەن مۇمكىندىك بەرەدى. وليمپياداعا قاتىسۋشىلار مەن قىزىعۋشىلىق تانىتۋشىلاردىڭ قاتارى جىلدان جىلعا ارتىپ كەلەدى. بيىلعى جىلى وليمپياداعا حالىقارالىق ستاتۋس بەرىلدى»، – دەيدى ورتا ءبىلىم كوميتەتى ءتوراعاسىنىڭ ورىنباسارى ءاليا چوكۋشيەۆا.
بايقاۋدى ق ر وقۋ-اعارتۋ مينيسترلىگىنىڭ قولداۋىمەن «دارىن» رەسپۋبليكالىق عىلىمي-پراكتيكالىق ورتالىعى، ۇلىتاۋ وبلىسىنىڭ ءبىلىم باسقارماسى جانە The Ulytau Educational Foundation قورى بىرلەسىپ ۇيىمداستىرۋدا.
ونىڭ قورىتىندىسىندا ۇزدىك وقۋشىلار حالىقارالىق دەڭگەيدەگى ديپلومدارمەن جانە ارنايى سىيلىقتارمەن ماراپاتتالادى.
