Segizinshi shaqyrylymdaǵy oblystyq máslihattyń kezekti besinshi sessiiasynyń jumysyna oblys ákimi Darhan Satybaldy, oblys ákimdiginiń músheleri, qalalyq, aýdandyq máslihat tóraǵalary, oblystyń memlekettik organdarynyń basshylary, oblystyq sailaý komissiiasy tóraǵasynyń orynbasary, oblystyq qoǵamdyq uiymdar tóraǵalary, sondai-aq buqaralyq aqparat quraldarynyń ókilderi qatysty.
Sessiia jumysyn oblystyq máslihat tóraǵasy Nuraly Ábishov júrgizdi. Kún tártibinde 22 másele qaraldy. Máslihat depýtattary kún tártibindegi «Túrkistan oblysy ákiminiń ózine júktelgen fýnktsiialar men mindetterdiń oryndalýy týraly esebi» boiynsha oblys ákiminiń jumysyna oń baǵa berip, aldaǵy jumysyna sáttilik tiledi.
Sonymen qatar sessiiada Oblystyq aýyl sharýashylyǵy basqarmasy basshysynyń, bilim basqarmasy basshysynyń, sáýlet jáne qala qurylysy basqarmasy basshysynyń esepteri nazarǵa alyndy. Odan bólek, kadrlyq ózgeristerge bailanysty Túrkistan oblysy ákimdigi janyndaǵy birqatar komissiialardyń quramyna ózgerister engizildi.
Jalpy, sessiia jumysynda qaralǵan máseleler boiynsha máslihat depýtattary tiisti sheshimder qabyldady. Oblys ákimi Darhan Satybaldy sessiia jumysyn qorytyndylap, máslihat jumysyna tabys tiledi.
Aimaqtarǵa qatysty mańyzdy sheshimder qabyldanýda. Jańa saiasi kezeńge qadam basyp otyrmyz. Eldiń saiasi mádenieti kóterilgen. Bul saiasi naýqandar da oidaǵydai ótedi dep senemin, – degen Darhan Satybaldy
Joldaýdaǵy infraqurylymdy damytý, aýyz sý, gaz, elektr energiiasymen qamtamasyz etý baǵytyndaǵy tapsyrmalarǵa sai jumys kúsheietinin jetkizdi.
– Túrkistan qalasynyń infraqurylymy qalanyp, qala damý jolyna tústi. Túrkistanda halyqaralyq deńgeide is-sharalar, jiyndar ótkizetin ǵimarat salý, zamanaýi atshabardyń qurylysyn júrgizý josparlanyp otyr.
Endigi kezekte aýdandarǵa, aýyldarǵa kóńil bólýimiz kerek. Jańa ekonomikalyq úlgige ótý – aýqymdy mindet. Biyl qatelespesem, 58 ret aýdan, qalalardy aralap, elmen kezdestim. Turǵyndardyń 90 paiyzy infraqurylym máselesin kóteredi. Aýyz, sý, bilim, infraqurylym, meditsina, áleýmettik salany, týristik áleýetti nyǵaitý jumys isteý kerek.
Biz infraqurylym boiynsha qosymsha monitoring jasap, kóptegen máseleni anyqtadyq. Gaz boiynsha birneshe aýyldyń túitkili tarqatyldy, «saqaldy» qurylystarǵa jan bitti. Aýyl sharýashylyǵy tehnikasyn jańartý, osy salaǵa innovatsiialyq jańalyqtardy engizý, óndiristi, kásipkerlikti damytýǵa basymdyq beriledi. Bul mindetterdi depýtattarmen birlese atqaramyz, – dedi oblys ákimi.
Aita keteiik, sessiiada óńirdiń áleýmettik-ekonomikalyq damýyna qatysty sheshimdermen qatar saiasi sheshimder de qabyldandy. Buǵan deiin aýyl okrýgteriniń sailaýy ótse, biyl aýdan ákimderiniń sailaýy ótedi. Shardara, Maqtaral, Sozaq jáne Báidibek aýdandarynyń ákimderin sailaý kúni 5 qarashaǵa belgilendi.
