Bir aptaǵa sozylatyn tanymy men bereri mol ekspeditsiiaǵa joldamany mekteptiń úzdik oqýshylary utyp aldy.
«Týǵan elge taǵzym» ólketaný jáne ǵylymi-zertteý ekspeditsiiasy NIS-tiń basty missiiasy– oqýshylardyń akademiialyq jáne ǵylymi jobalyq is-áreketterin biriktirýdi júzege asyrýǵa arnalǵan biregei eksperimentaldy alań. Almatylyq ziiatkerler ekspeditsiianyń barysynda óńirdiń kórnekti jerlerin aralap qana qoimai, ǵylymi jobalar portfoliolaryn qundy aqparattarmen, zertteýlermen tolyqtyrady.
Túrgen shatqalyna barǵan saiahat ashyq aspan astyndaǵy murajaimen jalǵasyp óńirdiń tarih qoinaýynda jatqan syrǵa toly qupiialary ziiatkerlerdi jańa zertteýlik jobalarǵa shabyttandyrdy.
– Esik murajai-qoryǵy tarihymyz jaily kóp aqparat alyp, murajaidyń basty eksponaty “Altyn adamdy” tamashaladyq. Ishinde saq dáýirinde ómir súrgen adamdardyń turmysta qoldanǵan zattarymen, áshekei-buiymdarymen tanystyq. Murajaiǵa barý maqsatymyz - tarihymyzǵa tereńirek úńilý boldy, – dep áńgimeledi NIS oqýshysy Qosan Arlan.
Túrgen shatqalynyń áigili Aiýly sarqyramasynyń basynda oqýshylar ǵylymi jobalarynyń taqyrybyn tańdap, jumystaryn bastap ketti.
– Sarqyramaǵa barar joldyń jaǵdaiyna qarap, “Ekotýrizm” taqyrybynda mobildik qosymshany ázirleý oi keldi. Iaǵni, ǵylymi jobamyzdyń maqsaty - Qazaqstandaǵy ekotýrizmdi damytý joldaryn qarastyrý bolyp tabylady,– – dep qosty Arlan.
“Týǵan elge taǵzym” ólketaný-zertteýlik ekspeditsiiasynyń 4-shi kúninde ziiatkerler Ile Alataýdyń injý marjany, tabiǵattyń keremet buryshy Kolsai óńirine jol tartty. Biologiia páni muǵalimi Meirambek Mutalhanov, himiia páni muǵalimi Gúlmira Almabekova, geografiia páni muǵalimi Noian Berekeniń jetekshiligimen oqýshylar Ile-Alataýdyń injý-marjany túzelgen tarihy, ósimdikter men janýarlar álemi týraly túrli zertteýlerin osy jerde jalǵastyrdy.
Ziiatkerler tabiǵat aiasynda jetekshi Gúlmira Almabekovanyń bastaýymen himiianyń qyr-syrlaryn tájiribe arqyly meńgerdi.
Oqýshylardyń portfoliloryna Qólsai kólderi, sý qainaýynyń erekshilekteri, kermektigine arnalǵan jobalar kirdi.
Jylda Nazarbaev Ziiatkerlik mektepterinde jazdyq joryqqa shyǵatyn ekspeditsiianyń izimen oqýshylar shamamen jiyrmaǵa jýyq jańa jobalardy bastap, zertteý júrgizip, sol jumystarymen respýblikalyq deńgeide túrli ǵylymi jobalar baiqaýyna qatysyp jańalyqtar ashýda.
