Almatyda qurylys kompaniiasy zań buzǵany úshin litsenziiasynan aiyryldy, dep habarlaidy Dalanews.kz.
Merdiger qala aýmaǵyndaǵy birneshe nysanda qurylys jumystaryn júrgizip kelgen. Sonyń ishinde №112 jalpy bilim beretin mektep ǵimaratyna qosalqy qurylys salý jáne Áýezov aýdanyndaǵy abattandyrý jobalary bar.
"Barlyq nysanda jospardan tys tekseris júrgizilip, onyń nátijesinde qurylys-montaj jumystary kezinde jobalyq sheshimderden aýytqý jáne qurylys salasyndaǵy memlekettik normalardyń talaptaryn saqtamaý derekteri anyqtaldy", - dedi ákimdik ókilderi.
Tekseris qorytyndysy boiynsha "SK 7 Stroi" JShS-ǵa ákimshilik sharalar qoldanylyp, ol qurylys qyzmetin júzege asyrýǵa berilgen litsenziiasynan aiyryldy.
